پاكىستانداعى گۇلەن مەكتەپتەرى Pak-Türk قورىنا بەرىلدى

تەررورلىق ۇيىم دەپ تانىلعان فەتحۋللا گۇلەننىڭ پاكىستانداعى ءبىلىم ورداسى  تۇركيا قورىنا بەرىلدى.

(FETÖ) دەگەن ەسىممەن كوپشىلىككە تانىس مەكتەپتى تۇركيا مەملەكەتىنە تاپسىرۋ تۋرالى ۇكىمدى پاكىستاننىڭ جوعارعى سوتى شىعاردى. وسىلايشى، ەندى ءبىلىم ورداسى Pak-Türk قورىنىڭ قاراماعىندا بولىپ، تولىقتاي تۇركيا ەسەبىنەن قامتاماسىز ەتىلەتىن بولادى.

2018 جىلدىڭ 28 جەلتوقسانىندا پاكىستاننىڭ جوعارعى سوتى فەتحۋللا گۇلەن جاساعىن تەررورلىق ۇيىم قاتارىنا ەنگىزگەن بولاتىن. سونىمەن بىرگە، پاكىستان اۋماعىنداعى بارلىق مەكتەپتەردى تۇركيا قورىنا بەرۋ تۋرالى ۇكىم شىعاردى.

قازاقستاندا 1993 جىلدان 1997 جىلدار ارالىعىندا «قازاق-تۇرىك ءبىلىم بەرۋ قورى» دەپ تانىمال بولعان ورىن بىرتە-بىرتە كەشەنگە ۇلاسقان. 29 ليتسەي مەن ءبىر ورتا ءبىلىم بەرۋ كوللەدجى جۇمىس ىستەپ كەلگەن مەكەمەلەر سول ۋاقىتتا گۇلەنمەن بايلانىسى بار ەكەندىگىن كوپتەگەن جاندار بىلە بەرمەدى. قازىرگى تاڭدا بۇل ۇيىمدا قازاقستاننىڭ نەشە مىڭ ازاماتى بار ەكەنى بەلگىسىز. الايدا، الەمنىڭ 140 ەلىنەن ءبىلىم ورداسىن اشقان فەتحۋللا گۇلەننىڭ ميلليونداعان جاساعىنان قازاقستاننان دا مۇشە بولعاندار جەتكىلىكتى ەكەندىگى راس.

حالىقارالىق ساراپشىلاردىڭ پىكىرىنشە، سوڭعى جاعدايعا بايلانىستى  ءبىزدىڭ قۇزىرلى ورىندار قانداي شەشىم قابىلدايتىندىعى بەلىسىز. ايتسە دە، تەررورلىق ۇيىم دەپ تانىلعان گۇلەن مەكتەپتەرىنە ءبىزدىڭ ەلىمىزدە ەركىندىك بەرۋ، كەلەر قاۋىپكە ەسىكتى ايقارا اشىپ بەرگەنمەن بىردەي ەكەندىگىن العا تارتۋدا.

ەستەرىڭىزگە سالا كەتەيىك، 2016 جىلى شىلدەنىڭ 15-ىنەن 16-نا قاراعان ءتۇنى فەتحۋللا گۇلەن جاساقتارىمەن ەلدەگى بيلىكتى اسكەري كۇشپەن تارتىپ الماق بولعان. الايدا، تۇركيا پرەزيدەنتى رەجەپ تايىپ ەردوعان مەن اسكەري كۇش ساربازدارى مۇنداي جاعدايعا تويتارىس بەرىپ، بيلىكتى ساقتاپ قالا ءبىلدى. اتالعان وقيعانىڭ سالدارىنان 251 ادام قازا تاپقان. بۇل وقيعادان كەيىن، ەردوعان بىرنەشە مارتە اقش بيلىگىنە فەتحۋللا گۇلەندى تۇركيا بيلىگىنە تاپسىرۋدى تالاپ ەتكەن بولاتىن. بىراق، تۇركيانىڭ ىشكى جاعدايىنا ارالاسپايمىز دەپ باسىن داۋدان الا قاشقان اقش ۇكىمەتى تۇركيا تالابىن ءالى كۇنگە دەيىن ورىنداماي كەلەدى.

"The Qazaq Times"