فوتو: اا

سۇريالىق راككا قالاسىنىڭ تۇرعىندارى  امەريكالىق اسكەريلەردىڭ ەلدەن كەتۋىن تالاپ ەتىپ، اقش-تىڭ اسكەري بازاسىنا قارسىلىق ناۋقانىنا شىعۋدا. بۇل تۋرالى «Fars News Agency» حابارلايدى.

باق اقپاراتى بويىنشا، بىرىككەن شتاتتار تاراپىنان قورشاۋعا الىنعان قالانىڭ بىرنەشە ونداعان تۇرعىنى اقش-تىڭ قارۋلى كۇشتەرىنىڭ بازاسىنا شىققان. ميتينگ اسكەري نىساننان 500 شاقىرىمدا وتۋدە.

ميتينگ ۇيىمداستىرۋشىلار امەريكالىق اسكەريلەردىڭ راككا قالاسى مەن ەلدەن شىعارىلۋىن تالاپ ەتكەن جازۋلار ۇستاپ شىعۋدا. سونىمەن قاتار، ولار وسى ايماققا رەسمي داماسك تاراپىنان باقىلاۋعا الىنعان ۇكىمەتتىك اسكەردىڭ كىرۋىن تالاپ ەتۋدە.

ەسكە سالايىق، وسىدان ءبىر جىل بۇرىن اقش پەن ونىڭ وداقتاستارى تەرروريزمگە قارسى وداق بويىنشا «دايش» استاناسى — راككانى ازات ەتۋ بويىنشا وپەراتسيا باستاعان ەدى. پەنتاگون جاپپاي بومبالاۋ بەيبىت تۇرعىندارعا ەشقانداي زارار اكەلمەدى دەپ اقتالسا دا، كەيىن قالاعا بارعان قۇقىق قورعاۋشىلار جۇزدەگەن بەيبىت تۇرعىننىڭ قازا تاپقانى تۋرالى بايانداما جاريالادى. اسىرەسە، ولاردىڭ كەيبىرى امەريكالىق اسكەريلەر تاراپىنان  ولتىرىلگەن بولىپ شىقتى.

“The Qazaq Times”