فوتو: timeskz.kz

ەلىمىزدىڭ سىرتقى ىستەر مينيسترلىگى ءسۇريا مەن يراكتاعى اسكەري قاقتىعىستار ايماعىنداعى قازاقستاندىق ازاماتتاردى وتاندارىنا قايتارۋدى قولعا الدى دەپ حابارلايدى، - ءسىم باسشىسىنىڭ ورىنباسارى مۇحتار تىلەۋبەردى.

ونىڭ سوزىنشە رەسپۋبليكانىڭ سىرتقى ساياسات ۆەدوموستۆاسى قازاقستان ازاماتتارىنىڭ ءسۇريا مەن يراكتاعى ورنالاسقان ورىندارىن انىقتاۋ ۇستىندە. ىزدەۋ ماسەلەلەرىمەن يوردانياداى ەلشىلىك پەن ليۆانداعى باس ەلشىلىك تە اينالدىسۋدا. م.تىلەۋبەردى ءسۇريا مەن يراك ۇكىمەتتەرىنىڭ ەل ازاماتتارىنىڭ تەررورلىق ۇيىمدارعا قاتىستىلىقتارىنا تەكسەرۋ جۇرگىزىپ جاتقاندارىن دا ايتقان. ءسىم-گە سول ازاماتتاردىڭ تۋىستارى دا ءوز تۋىستارىنىڭ قانداي دا ءبىر تەررورلىق ۇيىمدارعا قاتىسى بار ەكەنىن مويىنداپ، ولاردى اتا-انالىق قۇقىقتارىنان ايىرۋدى ءوتىنىپ، كومەك سۇراپ حابارلاسقان.

«Sputnik» سايتىنىڭ دا حابارلاۋىنشا، بۇعان دەيىن "حابار 24" تەلەارناسىنا جەتى قازاقستاندىق ايەلدىڭ  سەگىز ايدان بەرى ءسۇريادا ەكەنىن ايتىپ، ولاردى ەلگە قايتارۋعا كومەك سۇراپ حابارلاسقان. ايەلدىڭ ايتۋىنشا، ول ايەلدەر سۇرياعا ورال، اقتوبەك، الماتى جانە جەزقازعان قالالارىنان كەتكەن.

بۇعان دەيىن دە، ۇستىمىزدەگى جىلدىڭ 6 ناۋرىزىندا قازاقستاننىڭ تەرروريزمگە قارسى ورتالىعىنىڭ باسشىسى جانات سايپولداەۆ ءسۇريا مەن يراكتان 125 قازاقستاندىق ازاماتتىڭ، ونىڭ ىشىندە 45 بالانىڭ ورالعانىن مالىمدەگەن ەدى. ۆەدوموستۆانىڭ حابارلاۋىنشا، قازىرگى تاڭدا ازاماتتاردىڭ بارلىعى قاتاڭ باقىلاۋدا.

“The Qazaq Times”