ۋاشينگتون تەھراننان (تەگەراننان) باعداتتاعى ەلشىلىك پەن باسراداعى كونسۋلدىققا قارسى شابۋىل جاساۋشى يراكتىق نارازىلىق بىلدىرۋشىلەرگە قولداۋ كورسەتپەۋىن تالاپ ەتتى. يراكتاعى امەريكالىق ديپلوماتتارعا جاسالعان كەز كەلگەن شابۋىلعا تەھران جاۋاپتى، - دەپ مالىمدەدى اق ءۇي.
امەريكا اكىمشىلىگىنىڭ مالىمدەۋىنشە، يران بيلىگى يراكتىق نارازىلىققا شىعۋشىلاردى «قولداعانى ءۇشىن» قاجەتتى جازاسىن الاتىن بولادى. ءارى، تەھران وسى ماسەلەگە قاتىستى «قول قۋسىرىپ وتىرعانى» ءۇشىن عانا ەمەس، يراكتىق نارازىلىققا شىعۋشىلاردى قارجىلاندىرعانى ءۇشىن دە كىنالى.
«بىرىككەن شتاتتار اقش-تىڭ ازاماتىن نەمەسە قانداي دا ءبىر نىسانىن زيانعا ۇشىراتاتىن كەز كەلگەن شابۋىل ءۇشىن تەھراندى جاۋاپكەرشىلىككە تارتادى»، - دەپ حابارلادى اق ءۇي.
ەسكە سالايىق، باسراداعى قارسىلىق ناۋقاندارى ۇستىمىزدەگى جىلدىڭ شىلدە ايىنان بەرى جالعاسۋدا. نارازىلىققا شىعۋشى يراكتىقتار 3 قىركۇيەكتە تاعى دا باس كوتەرىپ، كوپتەگەن عيماراتتاردى قورشاۋعا الىپ قانا قويماي، كەيبىرىن ورتەگەن ەدى. شابۋىل اقش كونسۋلدىعىنا عانا ەمەس، يران كونسۋلدىعىنا دا جاسالعان.
بۇل قارسىلىق اكتسيالارى ەلەكترەنەرگياسى مەن اۋىز سۋدىڭ ۇزىلۋىنە بايلانىستى باستالعان بولاتىن. قارسىلىققا شىعۋشىلاردىڭ شىلدە ايىنداعى شابۋىلدارى باعداتتىڭ 17 ملن. $ ءبولۋ ارقىلى وسى كەلەڭسىزدىكتى جويىپ، يراكتىقتار ءۇشىن ونداعان مىڭ جۇمىس ورىندارىن قۇريۋعا بەرگەن ۋادەسىنەن كەيىن باسىلعان ەدى.
قىركۇيەك ايىنىڭ باسىنان بەرى باسرادا ورىن العان قارسىلىق اكتسيالارىنىڭ سالدارىنان 15 ادام قازا تاۋىپ، 249 ادام زارداپ شەككەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟