تۇركيا ارمياسى ءسۇريا شەكاراسىنا كەلىپ توقتادى – دەپ حابارلايدى Bloomberg باسىلىمى.

باسىلىم  مالىمەتىنشە، رەسمي انكارا باشار اساد ارمياسىنىڭ يدليبتەگى وپپوزيتسيالىق توپتارعا قارسى اسكەري وپەراتسياسىنىڭ باستاۋىنا بايلانىستى ءسۇريا شەكاراسىنا قوسىمشا اسكەري قوسىندار اتتاندارعان. اتاپ ايتقاندا تۇركيا ارمياسى ءسۇريا شەكاراسىنا ءوزىنىڭ تانك دەۆيزيالارى مەن ارنايى جاساق ساربازدارىن اتتاندىرعان. ساراپشىلار پىكىرىنشە، تۇركيا يدليبتەگى اسكەري وپەراتسيادان كەيىن ءوز اۋماعىنا مىڭداعان بوسقىن كەلەدى دەپ الاڭدايدى جانە بوسقىندار تولقىنىن توقتاتۋ ءۇشىن ءسۇريا شەكاراسىنداعى ارمياسىنىڭ ءال-اۋقاتىن كۇشەيتۋدە.

بۇعان دەيىن بىرىككەن ۇلتتار ۇيىمى «ەگەر باشار اساد ارمياسى يدليبتە اسكەري وپەراتسيا جۇرگىزەتىن بولسا، تۇركيا مەن ەۋروپاعا 700 مىڭعا جۋىق بوسقىن قونىس اۋدارۋى مۇمكىن» دەگەن بولجام ايتقان. قازىرگى تاڭدا ءسۇريا وپپوزيتسيالىق توپتارىنىڭ سوڭعى تۇراعى بولىپ سانالاتىن يدليب اۋماعىندا 4 ميلليونعا جۋىق ادام تۇرادى.

"The Qazaq Times"