گۇلنارا كاريموۆانىڭ بيزنەس-ارىپتەسىنىڭ وسيەتحاتى كوشىرمەسىنە قاراعاندا، وزبەكستاننىڭ بۇرىنعى پرەزيدەنتىنىڭ قىزى وفشورلىق كومپانيالارعا يەلىك ەتكەن. بۇل جونىندە شۆەتسيا سوتىندا پروكۋرورلار مالىمدەدى.

جەلتوقساننىڭ 14-ىنە دەيىن جالعاساتىن ستوكگولم سوتىندا Telia (بۇرىنعى Telia Sonera) تەلەكوممۋنيكاتسيالىق كومپانياسىنىڭ بۇرىنعى ءۇش جەتەكشىسىنە وزبەكستاننىڭ بۇرىنعى پرەزيدەنتى مارقۇم يسلام كاريموۆتىڭ قىزى گۇلنارا كاريموۆاعا 400 ميلليون اقش دوللارى كولەمىندە پارا بەرگەن دەگەن ايىپ تاعىلعان.

ايىپتاۋ قورىتىندىسى بويىنشا، گۇلنارا كاريموۆا وزبەكستاننىڭ تەلەكوممۋنيكاتسيالىق سالاسىن جانە گيبرالتارلىق Takilant فيرماسىن تولىقتاي باقىلاۋدا ۇستاعان، ءۇش شەتەلدىك كومپانيا ءتۇرلى ادىسپەن ميلليونداعان دوللاردى مەملەكەتتىڭ ۇيالى بايلانىس نارىعىنا شىعۋ ءۇشىن كاريموۆانىڭ شوتىنا اۋدارعان.

بۇلاردىڭ اراسىندا گۇلنارا كاريموۆا مەن وعان جاقىن ادامداردىڭ "سوڭعى قالاۋى مەن وسيەتحاتى" بار. كاريموۆانىڭ جاقىندارىنىڭ اتىنا تىركەلگەن وففشورلىق ايماقتاعى ءتۇرلى كومپانيالاردىڭ بانك شوتىنا شۆەيتساريا، گوللانديا، اقش جانە شۆەتسيا باقىلاۋ ورگاندارىنىڭ دەرەكتەرى بويىنشا، جۇزدەگەن ميلليون دوللار سالىنعان، الەمنىڭ بىرنەشە ەلىنەن جىلجىمايتىن مۇلىك ساتىپ الىنعان.

قۇجاتتارمەن بىرگە ارنايى بانك ۇياشىعىندا گۇلنارا كاريموۆا ءوزىنىڭ "سوڭعى ءارى جالعىز وسيەتحاتىن" ساقتاعان، وندا ءوزىنىڭ بار دۇنيە-مۇلكىنىڭ سوڭعى ءارى ناقتى يەگەرلەرى – 26 جاستاعى ۇلى يسلام مەن 20 جاستاعى قىزى يمان ەكەنىن كورسەتكەن.

وزبەكستان گۇلنارا كاريموۆانى ۇرلىق جانە بوپسالاۋ قىلمىستارى ءۇشىن ايىپتى دەپ تانىپ، بەس جىلعا باس بوستاندىعىنان ايىرعان، ال ەۋروپا شەتەلدىك تەلەكوممۋنيكاتسيالىق كومپانيالاردان ميلليونداعان دوللار پارا العان دەپ ايىپتايدى.

"The Qazaq Times"