ماكەدونيادا ەل اتاۋىن وزگەرتۋگە قاتىستى ناۋقان باستالدى

ماكەدونيادا رەفەرەندۋم قارساڭىندا ەلدىڭ اتاۋىن وزگەرتۋ تۋرالى رەسمي ناۋقان باستالدى. AP اگەنتتىگىنىڭ حابارلاۋىنشا، ناۋقاننىڭ رەسمي تۇردە باستالۋى ساياساتكەردەردىڭ ميتينگتەر ۇيىمداستىرا الاتىنىن بىلدىرەدى.

ودان بولەك، بۇل باق-تا جارنامالىق ناۋقان باستاۋ قۇقىعىن دا بەرەدى. سونىمەن، ماكەدونيا تۇرعىندارى سايلاۋعا قاتىستى 30 قىركۇيەكتە بىرجاقتى شەشىمگە بارا الادى.

وسىعان دەيىن دە سايتىمىزدا جازعانىمىزداي، ماۋسىم ايىندا گرەكيا مەن ماكەدونيا ماكەدونيانىڭ "سولتۇستىك ماكەدونيا" دەپ وزگەرتىلۋى ءۇشىن تاريحي كەلىسىمشارتقا قول قويعان ەدى. وسىعان بايلانىستى، افينا ماكەدونيانىڭ ناتو مەن ەۋروپا وداعىنا قوسىلۋ تۋرالى كەلىسسوزدەر جاساۋىنا مۇمكىندىك بەرگەن ەدى. اقىرى، 25 شىلدەدە ماكەدونيا ناتو-عا كىرۋ تۋرالى كەلىسسوزدەر باستادى. سونىمەن، وسى اتالعان بالقان ەلى سولتۇستىكاتلانتيكالىق اليانستىڭ 30-شى مۇشەسى بولۋى مۇمكىن.

ەسكە سالايىق، يۋگوسلاۆيا قۇرامىنان شىعىپ، 1991 جىلى تاۋەلسىزدىگىن جاريالاعاننان كەيىن ماكەدونيا گرەكيانىڭ سولتۇستىگىندە ورنالاسقان گرەكيالىق ايماقتىڭ اتاۋىمەن بىردەي بولعاندىقتان، گرەكيانىڭ نارازىلىعىن وياتا باستاعان ەدى. وسى داۋدى ەسكەرە وتىرىپ، گرەكيا ماكەدونيانىڭ ناتو مەن ەو-عا قوسىلۋىن بۇعاتتاپ تاستاعان بولاتىن. ودان بولەك، بۇل ەل بۇۇ –نا «بۇرىنعى يۋگوسلاۆيا رەسپۋبليكاسى ماكەدونيا» دەگەن رەسيمي اتاۋمەن كىرگەن.

“The Qazaq Times”