ەردوعان: رەسەي مەن يران ءيدليبتى «قاندى كولگە» اينالدىرماۋى ءتيىس

تۇركيا پرەزيدەنتى رەجەپ تايىپ ەردوعان رەسەي مەن يراندى ءسۇريانىڭ يدليبىن «قاندى كولگە» اينالدىرماۋعا شاقىردى.

يران استاناسى تەھراندا وتكەن ءۇش جاقتىق كەزدەسۋ بارىسىندا رەجەپ تايىپ ەردوعان يدليبتەگى قاندى قىرعىنعا قاتىستى مالىمدەمە جاسادى. ول وندا: «ءبىز يدليبتىڭ قاندى كولگە اينالعانىن قالامايمىز. ءبىزدىڭ دوستارىمىز رەتىندە سىزدەردە بۇنى قولدايدى دەپ ويلايمىن. يدليبكە جاسالعان كەز كەلگەن شابۋىل ۇلكەن اپاتقا جانە قاندى قىرعىنعا الىپ كەلەدى» - دەپ مالىمدەگەن.

ەستەرىڭىزگە سالايىق، قىركۇيەك ايىنىڭ 5-ءى كۇنى رەسەي اسكەري اۋە كۇشتەرى يدليب اۋماعىن بامبالاعان. يدليب قالاسى سۇرياداعى وپپوزيتسيالىق توپتار شوعىرلانعان سوڭعى قالا. مۇندا 4 ميلليونعا جۋىق ادام تۇرادى.

ەۋروپا ەلدەرى مەن تۇركيا ەگەر يدليبتە سوعىس باستالاتىن بولسا، ايماقتاعى 4 ميلليون حالىق تۇركيا مەن ەۋروپاعا قونىس اۋدارادى دەپ الاڭدايدى. بىرىككەن ۇلتتار ۇيىمىنىڭ بولجامى بويىنشا، يدليبتە سوعىس ءورتى تۇتاناتىن بولسا، ەۋروپا مەن تۇركياعا 700 مىڭعا جۋىق بوسقىن بارۋى مۇمكىن.

"The Qazaq Times"