فوتو: Rahmat Gul

سارسەنبى كۇنى اۋعانستان استاناسى كابۋلدىڭ باتىسىندا بولعان جارىلىستى «يسلام مەملەكەتى» تەررورلىق ۇيىمى موينىنا الدى، - دەپ حابارلايدى AFP.

سارسەنبى كۇنى كەشكىسىن كابۋلدىڭ كالا-ە-نازير اۋدانىندا ورنالاسقان سپورتتىق كلۋبتا جارىلىس ورىن العان ەدى. سپورت زالىنداعى جارىسقا جانكەشتى-تەرروريست باسىپ كىرىپ، جارىلعىش زاتتى ىسكە قوسقان.

كەيىننەن، سپورت كلۋبىنا جاقىن ماڭداعى پوليتسەيلەر مەن جۋرناليستەر توبىندا مينالانعان اۆتوكولىك جارىلعان. ەكى جارىلىستىڭ قۇرباندارى 20 ادامنان اسقان. ولاردىڭ اراسىندا Tolonews تەلەارناسىنىڭ ءتىلشىسى مەن وپەراتورى — 28 جاستاعى ساميم فارامارس پەن 23 جاستاعى راميز احمادي دا بار.

“The Qazaq Times”