اقش-تىڭ بۇۇ-داعى رەسمي وكىلى نيككي حەيلي: «رەسەي مەن قىتاي سولتۇستىك كورەيا ماسەلەسىن شەشۋدە كەدەرگى كەلتىرۋدە» – دەپ مالىمدەدى.

قىركۇيەك ايىنىڭ 4-ءى كۇنى وتكەن ءباسپاسوز ءماسليحاتىندا نيككي حەيلي سولتۇستىك كورەيانىڭ يادرولىق قارۋدان باس تارتۋ جۇمىستارىنا قاتىستى مالىمدەمە جاسادى. وندا ول: «رەسەي مەن قىتاي سولتۇستىك كورەياعا سانكتسيا سالۋ ماسەلەسى بويىنشا جۇمىس ىستەيتىن 1718 كوميتەتىننىڭ جۇمىسىنا جانە كحدر-نىڭ دەنۋكلەاريزاتسيا (يادرولىق قارۋدان باس تارتۋ) جۇمىستارىنا كەدەرگى كەلتىرۋدە. بىراق ءبىز وسىنىڭ بارلىعىنا قاراماستان وڭتۇستىك كورەيا بيلىگىمەن بىرلەسە وتىرىپ سولتۇستىك كورەيامەن بايلانىسىمىزدى ۇزگەن جوقپىز» - دەپ مالىمدەگەن.

ەستەرىڭىزگە سالايىق، بۇعان دەيىن رەسەي بيلىگى بۇۇ-نىڭ كحدر-عا سالعان سانكتسياسىنا قاراماستان بىرنەشە مىڭ سولتۇستىك كورەيا ازاماتىنا ەل اۋماعىنا كەلىپ جۇمىس ىستەۋگە رۇقسات بەرگەن. ال ودان ءسال ەرتەرەكتە رەسمي ماسكەۋ سولتۇستىك كورەياعا قاتىستى بۇۇ-نىڭ قاۋىپسىزدىك كەڭەسىندە قارالۋى ءتيىس قارارعا نوتا قويعان.

"The Qazaq Times"