يران ساياسي توپتارىنىڭ كەلىسپەۋشىلىگىنەن جاڭا ۇكىمەت قۇرىلمادى

مامىر ايىندا وتكەن جالپىحالىقتىق سايلاۋدان كەيىن، كەشە عانا  يراك پارلامەنتى العاشقى وتىرىسىن وتكىزدى. الايدا، وتىرىستا پارلامەنت قۇرامى تۋرالى پىكىر بىرلىگىنە كەلىسى الماعاندىقتان، پارلامەنت توراعاسى سايلانباي قالدى. سونىڭ ناتيجەسىندە، ۇكىمەتتى جاساقتاۋعا ءتيىستى پارلامەنتتىڭ ەڭ ۇلكەن كواليتسياسى دا قۇرىلمادى. ساياسي توپتاردىڭ كەلىسپەۋشىلىگىنە بايلانىستى پارلامەنت وتىرىسى بۇگىنگە شەگەرىلگەن.

يراك كونستيتۋتسياسىنا سايكەس ەل پرەزيدەنتى اراب سۇننيتتەرىنەن سايلاناتىن بولسا، پرەمەر-مينيستر شيت نەمەسە كۇردتەردەن سايلانۋى ءتيىس. الايدا، يراك پارلامەنتىنىڭ توراعاسى، پرەزيدەنتتىك، پرەمەر-مينيسترلىككە ۇمىتكەرلەردى بەكىتۋدە ەلدەگى ءسۇننيت، شيت، كۇرد جانە تۇركىمەن ساياسي توپتارى اراسىندا كەلىسپەۋشىلىك بولدى.

يراكتاعى تۇركىمەندەردىڭ ساياسي توبى «تۇركىمەن مايدانىنىڭ» توراعاسى ەرشەت ساليحي پارلامەنتتەگى تۇركىمەندەردىڭ 9 ادامنان تۇراتىن مۇشەلىك توبىن قۇرعاندارىن مالىمدەدى. ول جانە يراك تۇركىمەندەرىنىڭ بيلىكتە ىقپالدى ورىنىنىڭ بولۋىن تالاپ ەتتى.

“The Qazaq Times”