اقش-تىڭ  "فوكۋس " تەلەارناسىنىڭ جۇرگىزۋشىسى بيلل و'رەيلي (Bill O'Reilly) الدىڭعى اپتادا ترامپپەن سۇحباتتاسقاندا،   “پۋتين وزگەشە تاسىلدەر قولدانعىش ‹قاندىقول› ”  دەپ اتاعان ەدى. بۇل پىكىر كرەملدىڭ قارسىلىعىن تۋدىرىپ، پرەزيدەنت پۋتيننەن اشىق كەشىرىم سۇراۋدى تالاپ ەتتى. بۇل تۋرالى xinhuanet.com سايتى حابارلاپ وتىر.

ەسكە سالا كەتەيىك، وتكەن اپتادا ءپۋتيندى "قاندىقول" اتاعان بەللدىڭ سوزىنە ترامپ قارسى سۇراق قويىپ:"سەنشە ءبىز عانا سۇتتەن اق،  سۋدان تازا بولدىق پا؟  بىزدە دە كوپتەگەن “قاندىقولدار” بار عوي. وتكەنگە كوز جۇگىرتسەك،  اعاتتىقتارىمىز از ەمەس»  دەگەن ەدى. سۇحباتتاعى ترامپتىڭ پىكىرى دە اقش-تا كۇشتى داۋ تۋدىردى.  تىپتى، قۇراما شتاتتىڭ ەكى پارتياسى بىردەي سىنعا العان بولاتىن.
6 اقپان كۇنگى ءپۋتيننىڭ ءباسپاسوز حاتشىسى پەسكوۆتىڭ پۋتيننەن كەشىرىم سۇراۋ تۋرالى پىكىرىنە، اشتى ءتىلدى بيلل باعدارلاما ۇستىندە-اق جاۋاپ بەردى. ول:  «پۋتيننەن كەشىرىم سۇراۋ جايلى ويلانۋ ۇستىندەمىن،  دەگەنمەن بىراز ۋاقىت كۇتەسىزدەر. . . كەشىرىم سۇراۋدى 2023 جىلدان كەيىن كورەرمىز»  دەپ سالدى.  پەسكوۆ ونى دا ەسكەرۋسىز قالدىرماي،   «كرەمل  اسا سابىرلى،  ايتىپ وتىرعان التى جىلىڭدى كوڭىلگە المايدى، كۇتۋگە دايىن»، –  دەدى. قازىر الەمدىك باق-تا بيلل مەن پەسكوۆتىڭ جاۋاپتاسۋى قىزۋ تاقىرىپقا اينالدى.

اۋد:  ادىلەت احمەتۇلى

“The Qazaq Times”