فوتو: فۋاد ماسۋم

يراك پرەزيدەنتى فۋاد ماسۋم يراكتىڭ يرانعا قارسى امەريكا قۇراما شتاتتارى تاراپىنان ەنگىزىلگەن سانكتسيانى ساقتامايتىندىعن مالىمدەدى. بۇل تۋرالى «abhaber.com» حابارلايدى.

ونىڭ ايتۋىنشا، يران مەن يراك اراسىنداعى تىعىز قارىم-قاتىناس سانكتسيا رەجيمىن قولداۋدى مۇمكىن ەمەس ەتۋدە. ماسۋمنىڭ پىكىرىنشە، يراكتىڭ پرەمەر-ءمينيسترى حايدەر ال-ابادي ۋاشينگتونعا قولداۋ كورسەتۋ تۋرالى مالىمدەمەسى ارقىلى اسىعىستىق جاساعان. ەسكە سالايىق، ۇستىمىزدەگى جىلدىڭ مامىر ايىندا اقش 2015 جىلى جاسالعان يادرولىق كەلىسىمشارتتى بۇزىپ، يرانعا قارسى سانكتسيا سالعان بولاتىن. وسىعان وراي مالىمدەمە جاساعان يراك پرەمەر-ءمينيسترى حايدەر ال-ابادي امەريكانىڭ وسى شەشىمىن قولدايتىندارىن ايتىپ، وسى مالىمدەمەسى ەل ىشىندە دە، وزگە ەلدەر تاراپىنان دا ۇلكەن تەرىس پىكىر قالىپتاستىرعان ەدى.

“The Qazaq Times”