ەرتەڭ، يليا يلين، ءزۇلفيا چينشانلو، نيجات راحيموۆ، جازيرا جاپپارقۇل، الەكساندر زايچيكوۆ، دەنيس ۋلانوۆ، كارينا گوريچەۆا جانە باسقالار تالدىقورعاندا وتەتىن چەمپيوناتقا قاتىسادى.

28 تامىز بەن 2 قىركۇيەك ارالىعىندا تالدىقورعانداعى “جاستار” سپورت كەشەنىندە اۋىر اتلەتيكادان ەرلەر جانە ايەلدەر اراسىندا قر جەكە-كوماندالىق چەمپيوناتى وتەدى. بۇل تۋرالى قر اۋىر اتلەتيكا فەدەراتسياسىنىڭ ءباسپاسوز قىزمەتى حابارلادى.

جارىسقا وليمپيادا چەمپيوندارى مەن جۇلدەگەرلەرى، سونىمەن قاتار الەمدىك جانە قۇرلىقتىق بىرىنشىلىكتەردىڭ جەڭىمپازدارى قاتىسادى. ولاردىڭ اراسىندا نيجات راحيموۆ، جازيرا جاپپارقۇل، الەكساندر زايچيكوۆ، دەنيس ۋلانوۆ، كارينا گوريچەۆا جانە باسقالار بار.

اۋىر اتلەتيكا فەدەراتسياسىنىڭ مالىمدەۋىنشە، چەمپيوناتتا بۇعان دەيىن دوپينگكە بايلانىستى جارىسقا قاتىسۋ قۇقىعىنان ايىرىلعان يليا يلين مەن زۇلفيا چينشانلو دا باق سىناعالى وتىر.

بۇل تۋرنير وسى جىلدىڭ اۋىر اتلەتيكاداعى باستى جارىسى – اشحابادتا جالاۋى جەلبىرەيتىن الەم چەمپيوناتىنىڭ نەگىزگى ىرىكتەۋ كەزەڭى بولماق.

جارىستى Qazsport تەلەارناسى تىكەلەي ەفيردە كورسەتەدى.

“The Qazaq Times”