26 تامىز ءۇش تاجىك ازاماتى مىنگەن «نيۆا» كولىگىنە توسىننان شابۋىل جاسالىپ، ەكى ادام وققا ۇشتى. وقيعا تاجىكستاننىڭ اۋعانستانمەن شەكارالاس ايماعىندا ورىن العان.

وسى جىلدىڭ كوكتەمىندە تاجىكستانداعى شەكارا اسكەرىنىڭ قولباسشىسى رادجابالي راحمونالي بۇل ايماقتا جەتى مىڭ سودىردىڭ بار ەكەنىن ايتقان. سونداي-اق، اتالعان ايماق «تاليبان» قوزعالىسىنىڭ باقىلاۋىنداعى جەر.

مالىمەتتەر بويىنشا، شابۋىل اۋعانستان جاقتان بولعان. شابۋىلدى كىمنىڭ جاساعانى انىقتالعان جوق.  قازىرى ۋاقىتتا كۇش قۇرىلىمدارىنىڭ وكىلدەرى وقيعا بارىسىن تەكسەرۋ جۇمىستارىن جۇرگىزىپ جاتىر.

تاجىكستاننىڭ مەملەكەتتىك شەكارا قىزمەتى وقيعا جايلى ناقتى تۇسىنىك بەرگەن جوق.

"The Qazaq Times"