بيىلعا جىلدىڭ ءبىرىنشى جارتىجىلدىعىندا ءبىلىم جانە عىلىم مينيسترلىگى 21 جوعارى وقۋ ورنىندا تەكسەرۋ جۇرگىزىلىپ، ناتيجەسىندە ءبىلىم سالاسىنداعى زاڭناما تالاپتارىنىڭ بۇزىلعانىن انىقتالدى. كوبىنە جالپىعا مىندەتتى ءبىلىم بەرۋ ستاندارتى، وقۋ پروتسەسىن ۇيىمداستىرۋ ءتارتىبى، ليتسەنزيالىق تالاپقا سايكەستىك ەرەجەلەرى بۇزىلعان.

وسىعان وراي مينيسترلىك جوعارى وقۋ ورىندارىنا كەمشىلىكتەردى جويۋ تۋرالى نۇسقامالار بەرىپ، بىرقاتارىن اكىمشىلىك جاۋاپكەرشىلىككە تارتتى.

قازاقستانداعى 6 جوعارى وقۋ ورنىنان ماگيستراتۋرا ماماندىقتارى بويىنشا 17 ليتسەنزيا قوسىمشاسى قايتارىپ الىندى.

ەندى  بىلىم بەرۋ قىزمەتىنىڭ ساپاسىن باعالاۋدىڭ نەگىزگى ولشەم شارتتارىنىڭ ءبىرى رەتىندە جوعارى وقۋ ورنىن بىتىرگەن تۇلەكتەرگە ەڭبەك نارىعىنداعى سۇرانىس دەڭگەيى ەسەپتەلەدى. كاسىبي قاۋىمداستىقتار، جۇرگىزەتىن رەيتينگ بويىنشا، ءبىلىم بەرۋ باعدارلاماسىنىڭ ساپاسىنا قاتىستى تومەن كورسەتكىشتەر انىقتالعان جاعدايدا جوعارى وقۋ ورنىنا شەكتەۋ سيپاتىنداعى شارالار قولدانىلادى. سونىڭ ىشىندە ماماندىق دايارلاۋ باعىتى بويىنشا ليتسەنزيالار قايتارىپ الىنۋى مۇمكىن.

“The Qazaq Times”