قىتاي قاۋپىنە بايلانىستى جاپونيا قورعانىس بيۋدجەتىن رەكوردتىق دەڭگەيگە جەتكىزبەك

جاپوندىق باق-تىڭ حابارىنا قاراعاندا، الداعى جىلى جاپونيانىڭ قورعانىس بيۋدجەتى رەكوردتىق كورسەتكىشكە جەتەدى. قورعانىس مينيسترلىگى قورعانىس كۇشتەرىنىڭ زىمىرانمەن شابۋىلداۋ جانە زىمىراننان قورعانۋ، الىس ارالدار مەن سۋ ايدىنىن قورعاۋ، كيبەرشابۋىل جانە ودان قورعانۋ قۋاتىن جوعارلاتۋ ماقساتىندا قورعانىس بيۋدجەتىن ارتتىرۋدى تالاپ ەتكەن.  

قورعانىس مينيسترلىگىنىڭ رەسمي وكىلى جاساعان مالىمدەمەدە، 2019 جىلى ءساۋىر ايىنان باستاپ قورعانىس بيۋدجەتىن 48 ملرد اقش دوللارىنا جەتكىزۋ كوزدەلگەنىن ايتقان. بۇل بيۋدجەت قۇراما شتاتتان ساتىپ الاتىن زىمىران قورعانىس جۇيەلەرىنە بولىنەتىن قاراجات تا ءوز ىشىنە قامتيدى.

جاپوننىڭ قورعانىس وكىلدەرى قىتايدىڭ اسكەري قاۋپىنىڭ ارتۋى قورعانىس بيۋدجەتىن كوبەيتۋدى تالاپ ەتۋىنە تاعى ءبىر سەبەپ ەكەنىن ايتادى. قورعانىس مينيسترلىگىنىڭ مالىمدەمەسىندە: «قىتايدىڭ بارعان سايىن ارتا تۇسكەن قاۋپىنە بايلانىستى جاپونيانىڭ يەلىك قۇقىعىنا ءتان سۋلار مەن الىس ارالداردى قورعاۋ ءۇشىن قاراجاتتى كوبەيتۋگە تۋرا كەلەدى»، – دەلىنگەن.

بۇدان تىس جاپونيانىڭ قورعانىس مينيسترلىگى ەلەكتروندى سوعىستاعى قورعانىس قابلەتىن ارتتىرۋدى دا قولعا الماق. دۇنيە جۇزىندە بارعان سايىن ىقپالى ارتا تۇسكەن ەلەكتروندى سوعىستا الەمنىڭ ءىرى ەلدەرىمەن تەڭەسۋ ءۇشىن، بۇل سالاعا بولىنەتىن قارجىنى جىل سايىن تۇراقتى تۇردە كوبەيتىپ وتىرماق.

جىل سوڭىنا قاراي جاپونيانىڭ اۋە قورعانىس كۇشتەرىنىڭ شابۋىلشى، بارلاۋشى تەحنيكالارى دا جاڭارتىلماق.

“The Qazaq Times”