ىشكى قىسىم قىتاي باسشىسىن كەلىسسوزگە يتەرمەلەدى: قاراشادا ساۋدا سوعىسىنا نۇكتە قويىلۋى مۇمكىن

قۇراما شتاتتاعى The Wall Street Journal باسىلىمى اقش پەن قىتاي ۇكىمەتىنىڭ لاۋازىمدى تۇلعالارىنا سىلتەمە جاساي وتىرىپ، ەكى ەل اراسىندا ساۋدا قاقتىعىسىن رەتتەۋ تۋرالى كەلىسسوزدەر كارتاسى جاسالىپ جاتقانىن مالىمدەدى. بۇل كەلىسسوزدەر اقش پرەزيدەنتى دونالد ترامپ پەن قىتاي توراعاسى شي ءجينپيڭنىڭ قاراشادا وتەتىن كەزدەسۋگە دەيىن جۇزەگە اسىرىلۋى مۇمكىن.  

بيىل قاراشادا ەكى ەل ۇكىمەتىنىڭ بەي رەسمي جانە كەڭەيتىلگەن كەزدەسۋ وتىرىستارى وتپەك. ونىڭ العاشقىسى 18 قاراشا كۇنى پاپۋا-جاڭا گۆينەيادا وتەتىن APEC سامميتىندە بولسا، 30 قاراشادا G20 ءسامميتى بويىنشا ارگەنتينادا كەزدەسۋ وتەدى. بۇل ەكى سامميت قارساڭىندا ترامپ پەن شي جينپيڭ كەزدەسىپ، ەكى ەل ورتاسىنداعى ساۋدا جاڭجالىن شەشەدى جانە الەمدىك ساۋدا قايشىلىقتارىن بولدىرماۋعا تىرىسادى دەپ كۇتىلۋدە.

قىتايدىڭ ىشكى ساياسي-ەكونوميكالىق جاعدايىن قاداعالاۋشىلاردىڭ ايتۋىنشا، ساۋدا سوعىسى قىتاي باسشىسىنا ەل ىشىنەن كەلەتىن قىسىمدى بارعان سايىن كۇشەيتكەن. سوندىقتان دا شي جينپيڭ ترامپتان كورى كەلىسسوز ۇستەلىنە بارۋعا كوبىرەك ىنتالى.

ماۋسىمنان بەرى قاراي ەكى ەل ءبىر-ءبىرىنىڭ تاۋارلارىنا سالىق سالۋ ارقىلى ساۋدا داۋىن ءورشىتىپ كەلگەن ەدى. الايدا، وسى اپتادا اقش ساۋدا مينيسترلىگى وكىلدەرىنەن قۇرالعان دەلەگاتسيا قۇراما شتاتقا ساپارلاي بارىپ، اقش ساۋدا ءمينيسترىنىڭ ورىنباسارى مارپاس باستاعان وكىلدەرمەن كەلىسسوز جۇرگىزەدى. بۇل رەتكى كەلىسسوزدە قاراشاداعى كەزدەسۋدىڭ كەدەرگىلەرىن جويۋ، ساۋدا داۋىن شەشۋ جولدارىن قاراستىرۋ سىندى مىندەتتەردى ءوز موينىنا الىپ وتىر.

ترامپتىڭ بۇل جونىندەگى مالىمدەمەسىندە، قۇراما شتات تا، قىتايدا كەلىسسوز جۇرگىزۋگە ىنتالى ەكەنىن، الايدا، ءادىل ساۋدا جانە ەكىجاقتى ءتيىمدى بولماسا كەلىسسوزگە كەلە المايتىنىن قايتالاعان.

“The Qazaq Times”