اۋعانستان پرەزيدەنتى اشراف گاني تالىبتەرگە ءۇش ايلىق ءبىتىم جاساۋدى ۇسىندى

اۋعانستان پرەزيدەنتى اشراف گاني تاليبان قوزعالىسىمەن اراداعى قاقتىعىستى توقتاتۋ تۋرالى ۇسىنىس جاساعان. بۇل تۋرالى lanouvellerepublique.fr  حابارلايدى.

الايدا، پرەزيدەنتتىڭ بۇل ۇسىنىسىنا ءالى جاۋاپ كەلمەگەن. ونىڭ ايتۋىنشا، ءبىتىم بۇگىن، 20 تامىزدا كۇشىنە ءمىنۋى ءتيىس بولعان. اقپارات كوزدەرىنىڭ حابارلاۋىنشا، گاني قاقتىعىستى 21 قاراشا،  مۇحاممەد پايعامبارىمىزدىڭ (س.ا.س.) تۋعان كۇنىنە دەيىن ءۇش ايعا توقتاتۋعا نيەتتى. ال، تاليبان قوزعالىسىنىڭ اقپاراتىنا قاراعاندا، «ولاردىڭ جەتەكشىلەرى دە قۇربان ايت مەرەكەسىنە دەيىن الدىن الا ءتورت ايعا كەلىسىپ قويعان». ايتا كەتۋ كەرەك، قاقتىعىستى ۋاقىتشا توقتاتۋ تۋرالى ۇسىنىس تالىبتەردىڭ 10 تامىزداعى گازنيدەگى شابۋىلى سالدارىنان بولعان قاتاڭ قاقتىعىستان كەيىن تۋىنداعان. اۋعانستاننىڭ ۇكىمەتتىك كۇشتەرى ەلدىڭ شىعىسىنداعى قالانىڭ اۋقىمدى بولىگىن ءوز باقىلاۋىنا العان.

 “The Qazaq Times”