فوتو: EPA

ساۋد-ارابياسىنىڭ جەتەكشىلىگىندەگى اراب وداعىنىڭ اسكەري ۇشاعىنان يەمەندەگى بالالار اۆتوبۋسىنا تاستالعان جارىلعىش زاتتى ءار-ريادقا اقش جەتكىزگەن بولىپ شىقتى. بۇل تۋرالى «france24.com/fr» حابارلايدى.

ماماندار شابۋىلدان كەيىن تۇسىرىلگەن سۋرەتتەر بويىنشا سىنىق قالدىقتارىy تەڭەستىرگەن. سىنىقتىڭ 227 كەلىلىك MK-82 بومبا قالدىقتارى ەكەنى راستالعان. ونى اقش-تىڭ قورعانىس مينيسترلىگىنىڭ نەگىزگى اسكەري مەردىگەرى «Lockheed Martin» وندىرەدى. مامانداردىڭ ايتۋىنشا، پارسى شىعاناعىنداعى مونارحيا نەگىزىنەن، امەريكالىق جانە بريتانيالىق قارۋ ونىمدەرىنە تاپسىرىس بەرۋشى بولىپ تابىلادى ەكەن.

ەسكە سالا كەتەيىك، 9 تامىز كۇنى ساۋد-ارابيا جەتەكشىلىگىندەگى اراب وداعىنىڭ اۋە شابۋىلى كەزىندە يەمەندە بالالار مىنگەن اۆتوبۋس جارىلعان ەدى. كوتەرىلىسشى حۇسيتتەردىڭ مالىمدەۋىنشە، شابۋىل سالدارىنان 40 بالا قازا تاپقان بولاتىن.

“The Qazaq Times”