اق ءۇي وكىلى سارا ساندەرس حانىم ترامپتىڭ تۇركياعا رەنىشىن جاسىرمادى. فوتو: VOA.

ەكى ەل اراسىنداعى جۇرگىزىلگەن كەلىسسوزدەرگە قاراماستان، ناتو وداقتاستارى – تۇركيا مەن اقش قاتىناسى ناشارلاي ءتۇستى. ءبىر كۇن بۇرىن اق ءۇي رەسمي مالىمدەمە ارقىلى تۇركياعا قوسىمشا سانكتسيالار ەنگىزۋ ماسەلەسىنىڭ قاراستىرىلىپ جاتقانىن جەتكىزدى. بۇل تۋرالى VOA جاڭالىقتار قىزمەتى حابارلادى.

تۇركيا ناتو وداقتاسى رەتىندە قۇراما شتاتقا ستراتەگيالىق ماڭىزى بار «Insrick» اۋە كۇشتەرى بازاسىن ۇسىنعانى ءمالىم. سونداي-اق، اقش-تىڭ قارا تەڭىزگە كىرەتىن نەگىزگى قاقپاسى بولعان ەدى. دەگەنمەن، اق ءۇي مالىمدەمەشىسى سارا ساندەرستىڭ ايتۋىنشا، پرەزيدەنت ترامپ تۇركيادا قولعا تۇسكەن ديپلوماتيالىق اگەنتتەر مەن اقش ازاماتتارىنىڭ ءالى بوساتىلماي وتىرعانىنا قاتتى اشۋلى.

ترامپ ۇكىمەتىنىڭ بىرقاتار لاۋازىمدىلارى تۇركياعا قوسىمشا سانكتسيا سالىنۋى مۇمكىن ەكەنىن راستادى. دەگەنمەن، ءباسپاسوز جيىنى كەزىندە سارا ساندەرس ناقتى قانداي سانكتسيا سالىناتىنى تۋرالى اشىپ-جارىپ ايتپادى.

ايتا كەتەيىك، ترامپتىڭ انكارا بيلىگىنە ەندريۋ بليۋسەندى بوساتۋ تۋرالى بىرنەشە رەت جاساعان ۇسىنىسى جاۋاپسىز قالدى. ال، تۇرىك بيلىگى ونى تىڭشىلىقپەن ايىپتاپ، سوت اشتى. بۇل ترامپ ۇكىمەتىن امەريكالىقتار الدىندا دارمەنسىز ەتكەندەي بولدى. تۇرىك بيلىگى بولسا بۇنى اقش-تا سوتتالعان تۇرىك ميلليونەرلەرىنىڭ ىسىنە جاۋاپ ەتكەندەي بولدى. ەكى ەل اراسىنداعى ساياسي الاۋىزدىق ونسىزدا ءورشىپ تۇر ەدى. بۇنداي وقيعالاردىڭ تىزبەگى وتقا ماي قۇيدى.

“The Qazaq Times”