فوتو: اكۆاريۋس قۇتقارۋ كەمەسى

گەرمانيا «Aquarius» قۇتقارۋ كەمەسىندەگى 50 بوسقىندى قابىلداۋعا نيەتتى، - دەپ حابارلايدى DW گفر (گەرمانيا فەدەراتيۆتى رەسپۋبليكاسى) ىشكى ىستەر مينيسترلىگىنىڭ مالىمدەمەسىنە سىلتەمە جاساپ.

بۇدان بۇرىن مالتا دا «Aquarius» قۇتقارۋ كەمەسىن قابىلداۋعا دايىن ەكەنىن جاريالاعان ەدى. مالتا پرەمەر-ءمينيسترى دجوزەف مۋسكاتتىڭ سوزىنشە، سوسىن كەمەدەگى 140 بوسقىن گەرمانيا، فرانتسيا، ليۋكسەمبۋرگ، پورتۋگاليا جانە يسپانيا اراسىندا بولىنبەك.

وتكەن اپتادا ەكى ايلىق ۇزىلىستەن كەيىن «Aquarius» ءوزىنىڭ ونىنشى قۇتقارۋ وپەراتسياسى كەزىندە 141 بوسقىندى مىنگىزگەن ەدى. ولار ليۆيا جاعالاۋىنان شامامەن 46 شاقىرىمدا ءجۇزىپ جۇرگەن ەكى اعاش قايىقتان قۇتقارىلعان ەدى.

ەسكە سالايىق، وسى جىلدىڭ ماۋسىم ايىندا يتاليا جەرورتا تەڭىزىنەن 600-دەن استام بوسقىن تيەلگەن «Aquarius» قۇتقارۋ كەمەسىن قابىلداۋدان باس تارتقان بولاتىن. ونىڭ ارتىنشا مالتا دا اتالعان كەمەنى قابىلداۋدان باس تارتقان ەدى. كەيىننەن يسپانيا ۇكىمەتىنىڭ وكىلى پەدرو سانچەس وزدەرىنىڭ ولاردى قابىلداۋعا دايىن ەكەنىن حابارلاعان. 17  ماۋسىم كۇنى «Aquarius»-عى 600-دەن استام بوسقىن ۆالەنسياعا جەتكىزىلگەن.

“The Qazaq Times”