رەسەي پرەزيدەنتى ۆلاديمير پۋتين سولتۇستىك كورەيا باسشىسى كيم جوڭ ۋنمەن كەزدەسۋگە دايىن – دەپ حابارلايدى «كوررەسپوندەنت» باسىلىمى.

سولتۇستىك كورەيا ورتالىق تەلەگراف اگەنتتىگىنىڭ مالىمەتىنشە، تامىز ايىنىڭ 15-ءى كۇنى ۆلاديمير پۋتين كورەيانى ازات ەتۋ كۇنىنە وراي كيم جوڭ ۋنعا قۇتتىقتاۋ تەلەگرامماسىن جىبەرگەن. وندا: «ەكى جاقتىق قارىم-قاتىناس جانە ايماقتىق قاۋىپسىزدىك جونىندە كەلىسسوزدەر جۇرگىزۋ ءۇشىن سىزبەن الداعى ۋاقىتتا كەزدەسۋگە دايىنمىن. رەسەي مەن سولتۇستىك كورەيا قارىم-قاتىناسىن توقتاۋسىز دامىتا الادى» - دەلىنگەن.

ەستەرىڭىزگە سالايىق، بۇعان دەيىن ماۋسىم ايىنىڭ 12-ءى كۇنى سينگاپۋردا اقش پرەزيدەنتى دونالد ترامپ پەن كحدر باسشىسى كيم جوڭ ۋن كەزدەسكەن. كەزدەسۋ بارىسىندا سولتۇستىك كورەيا يادرولىق بومبادان باستارتىپ، اقش ونىڭ قاۋىپسىزدىگىن قامتاماسىز ەتەتىن بولىپ ۋاعدالاسقان.

“The Qazaq Times”