Ресей президенті Владимир Путин Солтүстік Корея басшысы Ким Жоң Унмен кездесуге дайын – деп хабарлайды «Корреспондент» басылымы.

Солтүстік Корея орталық телеграф агенттігінің мәліметінше, тамыз айының 15-і күні Владимир Путин Кореяны азат ету күніне орай Ким Жоң Унға құттықтау телеграммасын жіберген. Онда: «Екі жақтық қарым-қатынас және аймақтық қауіпсіздік жөнінде келіссөздер жүргізу үшін сізбен алдағы уақытта кездесуге дайынмын. Ресей мен Солтүстік Корея қарым-қатынасын тоқтаусыз дамыта алады» - делінген.

Естеріңізге салайық, бұған дейін маусым айының 12-і күні Сингапурда АҚШ президенті Дональд Трамп пен КХДР басшысы Ким Жоң Ун кездескен. Кездесу барысында Солтүстік Корея ядролық бомбадан бастартып, АҚШ оның қауіпсіздігін қамтамасыз ететін болып уағдаласқан.

“The Qazaq Times”