يران ءدىني كوسەمى اياتوللا حومەيني. فوتو: IUVMPRESS.

يراننىڭ ەڭ جوعارى كوسەمى اياتوللا حومەيني كەشە مالىمدەمە جاساپ، مەملەكەتتىك باسقارۋدىڭ ناشارلىعى يران ەكونوميكاسى ءۇشىن اقش سانكتسياسىنان دا زياندى ەكەنىن ايتتى. بۇل تۋرالى VOA حابارلادى.

يراننىڭ ەكونوميكالىق قيىنشىلىعىنا بايلانىستى ىشكى تارتىستا كۇشەيە تۇسكەنى بايقالادى. ەل ىشىندە ۇكىمەتتىك وتستاۆكاعا كەتۋىن تالاپ ەتكەن ساياسي تۇلعالار دا بوي كوتەردى. وسىعان بايلانىستى ءدىني كوسەم حومەيني مالىمدەمە جاساپ، ۇكىمەتكە ەسكەرتۋ بەردى. ول كەشەگى مالىمدەمەسىندە، ۇكىمەتتىك دۇرىس باسقارۋ بولعان جاعدايدا اقش سانكتسيالارىنا توتەپ بەرۋگە بولاتىنىن العا تارتتى.

وتكەن اپتادا اقش پرەزيدەنتى دونالد ترامپ قالپىنا كەلتىرگەن سانكتسيا يراننىڭ اۆتوونەركاسىبىنە، التىن، وزگە دە باعالى مەتالدار ساۋداسىنا، ۆاليۋتانىڭ جانە قارجى وپەراتسيالارىنا باعىتتالعان. اقش ۇكىمەتى 5 قاراشادا سانكتسيانىڭ ەكىنشى سوققىسى بار ەكەنىن ەسكەرتتى.

“The Qazaq Times”