فوتو: mod.gov.kz

«اۆيادارتس» حالىقارالىق بايقاۋ ناتيجەلەرى بويىنشا قازاقستاننىڭ قۇراما كومانداسى مي-35 جاۋىنگەرلىك تىكۇشاعىندا ءبىرىنشى ورىندى يەلەندى، «جويعىش اۆياتسيا» نوميناتسياسىندا سۋ-30سم ۇشاعى ەكىنشى ورىندى، ال «ارميالىق اۆياتسيا» نوميناتسياسى بويىنشا مي-171ش كولىك-جاۋىنگەرلىك توبى ءۇشىنشى ورىندى ەنشىلەدى، - دەپ حابارلايدى قر قورعانىس مينيسترلىگى.

سايىس قورىتىندىسى بويىنشا اسكەري ۇشقىشتار جالپى كوماندالىق ءۇشىنشى ورىنعا يە بولدى. «اۆيادارتس – 2018» سايىسىنىڭ شەشۋشى كەزەڭىندە جويعىشتار مەن بومبالاۋشىلاردىڭ ەكيپاجدارى جەرۇستى نىسانالار بويىنشا اۆياتسيالىق بومبالاردى، زىمىراندار مەن زەڭبىرەك قارۋ-جاراعىن قولدانۋ دالدىگىنەن سايىسقا تۇسكەن. جويعىشتاردىڭ، شابۋىلداۋشىلار مەن بومبالاۋشىلاردىڭ ەكيپاجدارى «جاۋ اۋەايلاعى» بويىنشا باستىرمالاتقان سوققى جاساپتى. نىسانالاردى جويۋ بومبالارمەن، باسقارىلمايتىن زىمىراندارمەن جانە اۆتوماتتى زەڭبىرەكتەردىڭ اتىسىمەن جۇزەگە اسىرىلعان. ءدال ءتيۋدى تورەشىلەر بريگاداسى باعالاعان. «اۆيادارتس» بايقاۋىنا بارلىعى ءتورت ەلدىڭ اسكەري شەبەرلەرىنىڭ باسقارۋىمەن 60-تان اسا ۇشاق پەن تىكۇشاق تارتىلدى.

“The Qazaq Times”