اعىمداعى جىلعى شىلدەنىڭ 28-ءى مەن تامىزدىڭ 3-ءى ارالىعىندا ارمەنيا رەسپۋبليكاسىندا وتكەن «دوستاستىق جاۋىنگەرى» حالىقارالىق بايقاۋىندا ءبىرىنشى ورىن العان قازاقستاندىق كوماندا ەلگە ورالدى، دەپ حابارلايدى قر قورعانىس مينيسترلىگى.

ەلورداداعى «نۇرسۇلتان نازارباەۆ» اۋەجايىنداعى كۇتىپ الۋ شاراسىنا قر قارۋلى كۇشتەرىنىڭ باسشىلىعى، اسكەري قىزمەتشىلەردىڭ قارۋلاستارى مەن جاقىن تۋىستارى قاتىستى. كەزدەسۋدە قر قك باس شتابى باستىعىنىڭ ورىنباسارى گەنەرال-مايور مۇحامەدجان تالاسوۆ حالىقارالىق ارەنادا قازاقستاندىق ارميانىڭ نامىسىن قورعاعان اسكەري قىزمەتشىلەردى ماقتان تۇتاتىنىن ايتتى. قازاقستاندىق ارميانىڭ قۇراما كومانداسى «دوستاستىق جاۋىنگەرى» بايقاۋى بەس كەزەڭىنىڭ قورىتىندىسى بويىنشا ابسوليۋتتىك جەڭىمپاز اتانعانىن ەستەرىڭىزگە سالا كەتەيىك.

 “The Qazaq Times”