فوتو: سۇريالىق كۇردتەر

سۇريالىق كۇردتەر وزدەرىنىڭ تۇتقىنىنداعى دايش تەرروريستەرىن ءاس-سۋۆەيد قالاسىندا وسى اتالعان تەررورلىق ۇيىم تاراپىنان كەپىلگە الىنعان ادامدارىنا الماستىرۋعا دايىن ەكەندىكتەرىن مالىمدەگەن. قازىرگى تاڭدا، ولاردىڭ قولىندا 30-ى ايەل مەن بالالاردان قۇرالعان بارلىعى 50 كەپىلگەر بار.  بۇل تۋرالى نەگىزىنەن كۇرد اسكەريلەرىنەن تۇراتىن «ءسۇريا دەموكراتيالىق كۇشتەرىنىڭ» «Firat» اگەنتتىگى تاراپىنان جاسالعان مالىمدەمەسىندە ايتىلعان.

اتالعان مالىمدەمەدە، سدك-ءنىڭ تۇتقىنداردى الماستىرۋ باستاماسىنىڭ استارىندا دايش تاراپىنان كەپىلگە الىنعانداردىڭ ءومىرىن قۇتقارۋ جاتقانى دا ايتىلعان. بۇدان بۇرىن، تەرروريستەر 25 شىلدە كۇنى ءاس-سۋۆەيد قالاسىندا كەپىلگە الىنعان تۇتقىنداردىڭ بىرىنە ءزابىر كورسەتكەن ەدى. ولار 17-ءسى ەر ادامنان تۇراتىن كەپىلگەرلەردىڭ اراسىنان 19 جاستاعى ستۋدەنتتى ولتىرگەن. قازىر، تەرروريستەردىڭ قولىندا 30 ايەل مەن بالالار بار.

ەسكە سالايىق، 25-شىلدە كۇنى تەرروريستەر شامنان (داماسك) 92 شاقىرىم قاشىقتىقتا ورنالاسقان ءاس-سۋۆەيت قالاسىنداعى اكىمشىلىك عيماراتىندا قاتارىنان بىرنەشە تەراكت ۇيىمداستىرعان ەدى. وسى تەراكت سالدارىنان 246 ادام قۇربان بولعان. دايش سودىرلارى سونىمەن قاتار، بىرنەشە ەلدىمەكەندى جاۋلاپ الىپ، بەيبىت تۇرعىنداردى كەپىلگە العان ەدى.

“The Qazaq Times”