جاپونيا مەن قىتايدىڭ ءسىم باسشىلارى. فوتو: chinadaily.com.cn.

جاپونيا مەن قىتاي اراسىندا تەڭىزدەگى يەلىك قۇقىق ماسەلەسى بويىنشا تاعى دا داۋ-داماي تۋىلدى. شىعىس قىتاي تەڭىزىندەگى ەگەمەندىك داۋ-شارى ەكى ەلدىڭ ەندى عانا قالپىنا كەلە باستاعان قارىم-قاتىناسىن قايتا ءبۇلدىردى. بۇل تۋرالى «شينلاڭ» اقپاراتتىق سايتى حابارلادى.

جاپون مەن قىتايدىڭ ءسىم باسشىلارى سينگاپۋردا ءوتىپ جاتقان ASEAN سامميتىنە وراي كەزدەسۋ وتكىزگەن بولاتىن. الايدا، شىعىس قىتاي تەڭىزىندەگى يەلىك قۇقىق ماسەلەسىندە تارو كانون مەن ۋاڭ ي پىكىر بىرلىگىنە كەلە الماعان. جاپونيا ءسىم باسشىسى كەزدەسۋدە «شىعىس قىتاي تەڭىزىندەگى داۋدى تولىقتاي شەشىم ەتپەي، جاپون-قىتاي قارىم-قاتىناسىنىڭ دامۋىن قالىپتاستىرۋ مۇمكىن ەمەس»، – دەگەن پىكىرىن ايتقان.

داۋلى سەنكاكۋ ارالىنىڭ ماڭىنا قىتايدىڭ شارلاۋشى كەمەلەرىنىڭ كىرۋى قىتاي مەن جاپونيا اراسىنداعى وسى سۋ الابىنداعى تاريحي داۋدى ورشىتە ءتۇستى. جاپونيا اتالعان ارالدى جەكە يەلىك ەتۋشى تۇلعادان ساتىپ العانىن رەسمي جاريالاعان. بۇل قىتاي بيلىگىن جانە ۇلتشىل توپتارىنىڭ قارسىلىعىن قوزدىرا تۇسكەن. ءبىر عانا سەنكاكۋ ەمەس، شىعىس قىتاي تەڭىزىندەگى بىرنەشە ايماقتا يەلىك قۇقىق داۋى ەكى ەلدى اراز ەتىپ كەلەدى.

“The Qazaq Times”