وڭتۇستىك كورەيا اقش اسكەرلەرىنىڭ كورەي تۇبەگىنەن كەتپەۋىن تالاپ ەتتى

ءبىر كۇن بۇرىن وڭتۇستىك كورەيا پرەزيدەنتى مالىمدەمە جاساپ، سولتۇستىك كورەيامەن بەيبىتشىلىك كەلىسىم جاساسقان كۇننىڭ وزىندە اقش اسكەرلەرىنىڭ وڭتۇستىك كورەيادان كەتپەيتىنىن مالىمدەدى. بۇل تۋرالى Yonhap اگەنتتىگى حابارلادى.

وڭتۇستىك كورەيا پرەزيدەنتىنىڭ اپپاراتى تاراتقان مالىمدەمەدە: «وڭتۇستىك كورەياداعى اقش اسكەرلەرى اقش پەن وڭتۇستىك كورەيا اراسىنداعى دەربەس ماسەلە. بۇنىڭ ەكى كورەيا اراسىنداعى بەيبىتشىلىك كەلىسىمىمەن بايلانىسى جوق»، – دەلىنگەن.

وڭتۇستىك كورەيا پا مالىمدەمەشىسى اتالعان مالىمدەمەگە قاراتا تۇسىنىك بەرىپ: «اقش-تىڭ كورەي تۇبەگىندەگى اسكەرلەرى قىتاي مەن جاپونيا سەكىلدى سۋپەر كۇشتەر اراسىندا بىتىمگەرلىك ءرول اتقارادى. سوندىقتاندا وڭتۇستىك كورەيا تارابى اقش اسكەرلەرىنىڭ قالۋىن تالاپ ەتىپ وتىر»، – دەدى.

اقش-تىڭ وڭتۇستىك كورەياداعى اسكەري قىزمەتكەرلەرىنىڭ سانى 25 مىڭ 500 ادام.

كوپتەگەن ساراپشىلار وسىعان دەيىن سولتۇستىك كورەيا تارابى بەيبىتشىلىك كەلىسىمى ءۇشىن اقش-تىڭ وڭتۇستىك كورەياداعى اسكەرلەرىن شىعارىپ كەتۋدى تالاپ ەتەدى دەگەن بولجامدار ايتقان بولاتىن.

“The Qazaq Times”