تاريحي قايشىلىققا تولى جاپون-قىتاي قاتىناسى وسى جىلدىڭ سوڭىنا قاراي بىرقاتار جاڭالىقتارمەن تولىقتى. قىتاي توراعاسى الداعى جىلى جاپونياعا العاش رەت مەملەكەتتىك ساپارمەن بارۋعا دايىندالۋدا.

بۇگىن چىڭدۋ قالاسىندا (قىتايدا) جاپون باس ءۋازىرى (پرەمەر-ءمينيسترى) شيزو ابە قىتاي پرەمەرى لي كىچياڭمەن (لي كەتسيان) كەزدەسىپ قىتاي باسشىسىنىڭ جاپونيا ساپارى تۋرالى اقىلداستى.

كەزدەسۋدە جاپون باس ءۋازىرىنىڭ كەزدەسۋدەگى پىكىرى كەسكىن بولدى. ول شىعىس قىتاي تەڭىزىندەگى ساياسي جاعداي تۇراقتانباي تۇرىپ، جاپونيا مەن قىتاي قارىم-قاتىناسىنىڭ جاقسارمايتىنىن اشىق اڭعارتتى. ەكى ەل اراسىندا شىعىس قىتاي تەڭىزىندە دياويۋي ارالدارى (جاپونياداعى سەنكاكۋ ارالدارى دەپ اتالادى) مەن ونىڭ ماڭىنداعى سۋ ايدىندارىنىڭ تەرريتوريالىق تالاسى بار. بۇل تەرريتوريالىق داۋ سوڭعى جىلدارى ەكى ەل قاتىناسىن ءتىپتى دە ناشارلاتا تۇسكەن ەدى.

وسىدان بىرنەشە كۇن بۇرىن قىتاي پرەمەرىنىڭ قاتىسۋىمەن جاپونيا، قىتاي جانە وڭتۇستىك كورەيا باسشىلارى اراسىندا كەزدەسۋ ءوتتى. بۇل كەزدەسۋدىڭ ناتيجەسىندە الداعى جىلى شىعىس ازياداعى ءۇش ەل اراسىندا ساۋدا-ەكونوميكالىق بايلانىستاردى دامىتاتىن كەلىسسوزدەر جاندانا تۇسپەك. بۇعان قوسا ءۇش ەل سولتۇستىك كورەيانىڭ تولىق يادرولىق قارۋسىزدانۋ پروتسەسىن جۇزەگە اسىرۋ ءۇشىن ورتاق ارەكەتتەنبەك.

“The Qazaq Times”