اقش-تىڭ ماسكەۋدەگى ەلشىلىگىندە رەسەي تىڭشىسى ون جىلدان استام ۋاقىت جۇمىس ىستەگەن - دەپ حابارلايدى ۇلىبريتانيانىڭ «The Guardian» گازەتى.

باسىلىم مالىمەتىنشە، رەسەي ارنايى قىزمەتىنە جۇمىس ىستەگەن ايەلدى اقش قۇپيا قىزمەتى جۇمىسقا العان. ول ەلشىلىك ەلەكتروندى پوشتاسى مەن ىشكى جەلىسىنە ەركىن كىرە العان. تىڭشى اقش پرەزيدەنتى دونالد ترامپ پەن ۆيتسە-پرەزيدەنت مايك پەنستىڭ جۇمىس كەستەسىنە قاتىستى قۇپيا مالىمەتتەردى الىپ وتىرعان بولۋى كەرەك.

2016 جىلى ارنايى قىزمەت ەلشىلىك قىزمەتكەرىنىڭ رەسەي فەدەرالدىق قاۋىپسىزدىك قىزمەتىنىڭ ادامدارىمەن كەزدەسۋلەر وتكىزگەنىن انىقتاعان. «The Guardian» گازەتىنىڭ حابارلاۋىنشا، رەسەي ازاماتىن شۋ شىعارماستان جۇمىستان شىعارىپ جىبەرگەن. ول 2017 جىلى رەسەيدىڭ امەريكالىق ديپلوماتتاردىڭ ەلدەن شىعارىلۋى قارساڭىندا جۇمىستان شىعارىلعان، دەلىنەدى گازەت مالىمەتىندە.

“The Qazaq Times”