تاۋلى التاي وبلىسىنداعى ايەلدەر. فوتو; VIKTOR SADCHIKOV/TASS/BBC.

رەسەي فەدەراتسياسىنا قاراستى تۇركى حالىقتارى مەكەن ەتكەن وڭىرلەر مەن رەسپۋبليكالاردا الكوگوليزمگە قارسى كۇرەس جۇرگىزىلگەنىنە 30 جىلدىڭ ءجۇزى بولدى. سونىڭ ناتيجەسىندە قازىر ياكۋتيا، التاي رەسپۋبليكاسى، تاتارستان، تىۆا جەرلەرىندە الكوگولسىز ايماقتار قالىپتاسقان. رەسەي قۇرامىنداعى تۇركى حالىقتارى جاساعان وڭىرلەردەگى بۇل جاعداي BBC-ءدىڭ نازارىن اۋدارعان.

 ەركەكتەردى الكوگوليزمنەن امان الىپ قالۋ ءۇشىن، اراق-شاراپقا قارسى كۇرەستى العاش رەت التاي رەسپۋبليكاسىنىڭ ايەلدەرى كوتەرگەن. مالىمەتتەرگە قاراعاندا، اراقتان ۋلاپ ءولۋ ءار 100 ءولىمنىڭ 12-ءسىن يەلەگەن. مۇنداي قىرىلۋدان ساقتانۋ ءۇشىن  جەرگىلىكتى تۇرعىندار ءوزى اتتانىسقا كەلىپ، ايماقتاردا الكوگولدى ىشىمدىكتەردى ساتۋعا تىيىم سالعان.

چيكە-تامان اسۋى. فوتو: KIRILL KUKHMAR/TASS/GETTY IMAGES/BBC.

اراق-شاراپتان باس تارتۋ قوزعالىسىندا رف ىشىندە ليدەرلىك ورىن ياكۋتيادا. وندا 182 ايماق الكوگولدى ىشىمدىك ساتۋدان باس تارتقان. ال، الكوگولگە قارسى تۇرعان تاتارستاندا 15, تىۆادا 6 ايماق بار. التاي رەسپۋبليكاسىنىڭ بوچي جانە كۇلادا جەرلەرىندە 1985 جىلدان بەرى قاراي اراق-شاراپقا شەكتەۋ قويىلعان. بۇل ايماق الەمدە اسقار تاۋ، قۇزار شىڭى، قيامەتتىڭ قىل كوپىرىندەي اسا قيىن جولدارىمەن تۋريستەردى وزىنە باۋراعان ايماق. ايتالىق، چيكە-تامان اسۋى الەمدەگى ەڭ قيىن 10 جولدىڭ ءبىرى بولىپ سانالادى. الايدا، تۋريستەر بۇل ايماقتان الكوگولدى ىشىمدىكتەردى ەمگە دە ىزدەپ تابا المايدى.

التاي حالىقتارى. فوتو: KIRILL KUKHMAR/TASS/GETTY IMAGES/BBC.

تاۋلى التايدا «ىشىمدىكسىز التاي» ەرىكتىلەر ۇيىمى قازىرگە دەيىن الكوگوليزمگە قارسى كۇرەستى تاباندى جالعاستىرىپ كەلەدى.

“The Qazaq Times”