فوتو: avim.org.tr

اۋعانستاندا ءبىر كۇننىڭ ىشىندە ەكى بىردەي تەراكت ورىن الىپ، سالدارىنان كەم دەگەندە 26 ادام قازا تاپقان. ال، 50-دەن استام ادام جاراقاتتانعان. بۇل تۋرالى جەرگىلىكتى «ار» اگەنتتىگى حابارلايدى.

اۋعانستاننىڭ شىعىسىنداعى جالالاباد قالاسىنداعى اكىمشىلىك عيماراتقا جاسالعان قارۋلى شابۋىلدىڭ سالدارىنان 15 ادام مەرت بولعان. ال، ءدال وسى كۇنى بۇرىن ەلدىڭ باتىس توڭىرەگىندەگى فاراح قالاسىندا حەراتتان كابۋلعا باعىت العان جولاۋشىلار اۆتوبۋسى جارىلعان. وسى اپاتتىڭ سالدارىنان 11 ادام كوز جۇمىپ، 31 بەيبىت تۇرعىن جاراقات العان. اگەنتتىكتىڭ حابارلاۋىنشا، قازا تاپقانداردىڭ  كوپشىلىگى ايەلدەر مەن بالالار. بىراق، ازىرگە ەشقانداي تەررورلىق توپ بۇل ءىستى مويىندارىنا الماي وتىر.

 “The Qazaq Times”