تۇركىستان قالاسىندا يندۋستريالدى ايماقتىڭ جۇمىسى جاندانادى

وبلىس ورتالىعى بولعان تۇركىستان قالاسىندا كاسىپكەرلىكتى، اۋىل شارۋاشىلىعىن جانە ءتۋريزمدى دامىتۋعا باسا ءمان بەرىلمەك. اسىرەسە، ونەركاسىپ جەتەكشى سالاعا اينالۋى ءتيىس. سەبەبى، جاڭا ءوندىرىس ورىندارى اشىلسا عانا جۇمىسسىزدىق ازايماق، دەپ حابارلايدى تۇركىستان وبلىسى اكىمىنىڭ ءباسپاسوز قىزمەتى

بۇگىندە تۇركىستانداعى يندۋستريالدى ايماقتا ءتۇرلى جوبالار جۇزەگە اسىرىلىپ جاتىر. 2018 جىلدىڭ قاڭتار-ناۋرىز ايىندا يندۋستريالدى ايماقتاعى كاسىپورىنداردىڭ وندىرگەن ءونىم كولەمى 343,3 ملن. تەڭگەنى قۇراعان.  اعىمداعى جىلدىڭ 3 ايىندا ونەركاسىپ ءونىم كولەمى 4 331,2 ملن تەڭگە بولىپ وتىر. ماسەلەن، يندۋستريالدى ايماقتا ورنالاسقان جيھاز فابريكاسىندا كۇن سايىن اس بولمەگە جانە جاتىن بولمەگە قاجەتتى 100 گارنيتۋر شىعارىلادى. ال، جىلىنا 30-35 مىڭ گارنيتۋر شىعارۋعا مۇمكىندىك بار. الداعى ۋاقىتتا مۇنداي كاسىپورىندار سانى كوبەيەدى.

تۇركىستان قالاسىنىڭ اكىمى الىپبەك وسەرباەۆتىڭ ايتۋىنشا، شاھاردا ءوندىرىستى دامىتۋ باعىتىندا جوسپار ءتۇزىلىپ، اۋقىمدى جۇمىستار اتقارىلماق. وبلىس ورتالىعىنداعى يندۋستريالدى ايماق اۋماعى 300 گەكتارعا ۇلعايىپ، وندا زامان تالابىنا سايى زاۋىتتار مەن فابريكالار سالىنادى دەپ كۇتىلۋدە. قازىرگى تاڭدا شەتەلدەن ينۆەستور تارتۋ جۇمىستارى جۇيەلەنىپ جاتىر.

“The Qazaq Times”