يەمەن جاعالاۋىنان اتىلعان زىمىراندار. فوتو: IRNA.

يران لاۋازىمدىلارىنىڭ ءبىرى يەمەننىڭ باتىس تەڭىز جاعالاۋىندا ساۋد ارابياسىنىڭ كەمەسىنە باعىتتالعان زىمىرانداردىڭ يرانعا تيەسىلى ەمەس دەپ مالىمدەدى. دەگەنمەن ساۋد ارابياسى باستاعان كواليتسيانىڭ كەمەسىنە شابۋىل جاساعاندار يراننىڭ جاقتاستارى ەكەنىن راستادى. بۇل تۋرالى IRNA اقپاراتتىق اگەنتتىگى حابارلادى.

25 شىلدە كۇنى يمەننىڭ باتىس تەڭىز جاعالاۋىنا جاقىن ءجۇزىپ بارا جاتقان كەمەگە زىمىران شابۋىل جاساعان بولاتىن. ساۋدا ارابياسى يراندى يەمەندەگى حۋسيت كۇشتەرىنە زىمىران جەتكىزىپ بەردى دەپ ايىپتاعان.

يراننىڭ يسلام كەڭەسى ۇلتتىق قاۋىپسىزدىك جانە سىرتقى ساياسات جونىندەگى كوميسسيانىڭ توراعاسى حەشساتۋللا فالاحاتپيشە سوزىندە: «قىزىل تەڭىز بەن يەمەن جاعالاۋلارىنداعى زىمىراندار يرانعا تيەسىلى ەمەس. بىراق بۇل زىمىراندار يراندى وزدەرىنىڭ جاناشىرى دەپ سانايتىن كۇرەسكەرلەرگە تيەسىلى»، – دەدى.

“The Qazaq Times”