بريتانيا حالقىنىڭ جارتىسى ۇلىبريتانيانىڭ ەو-دان شىعۋىنا قارسى

ۇلىبريتانيا تۇرعىندارىنىڭ جارتىسى ەو-دان شىعۋ تۋرالى ەكىنشى رەفەرەندۋم جاساۋدى تالاپ ەتۋدە. قوعامدىق پىكىر ساۋالناماسىنىڭ قورىتىندىلارى بويىنشا، بىرىككەن امىرلىك ازاماتتارىنىڭ جارتىسىنا جۋىعى ەو قۇرامىنان شىعۋ تۋرالى شەشىمگە قارسى. بۇل تۋرالى dw.com حابارلايدى.

Sky Data  ارقىلى جاسالعان زەرتتەۋ ۇلىبريتانيا تۇرعىندارىنىڭ 50 پايىزى ەلدىڭ ەۋروپا وداعىنان شىعۋ جونىندەگى رەفەرەندۋمعا قايتادان داۋىس بەرۋدى قالايتىنىن دالەلدەگەن. ال، 40 پايىزى، وسىنداي ويعا ءوز قارسىلىقتارىن بىلدىرۋدە.

ەسكە سالايىق، ۇلىبريتانيا قازىرگى ۋاقىتتا ەو قۇرامىنان شىعۋ تۋرالى كەلىسىمشارتتىڭ وڭدەۋ كەزەڭىندە. رەسمي تۇردە، 2019 جىلدىڭ ناۋرىز ايىندا ەو-دان شىعۋ كەلىسىمشارتىنا قول قويىلماق. وسى شەشىم ءۇشىن، امىرلىك تۇرعىندارىنىڭ جارتىسىنان كوبى داۋىس بەرگەن ەدى. الايدا، قازىرگى تاڭداعى زەرتتەۋلەر بويىنشا، بۇل شەشىمگە قاتىستى حالىق كوزقاراسى وزگەرگەندەي.

“The Qazaq Times”