حۋسيت كۇشتەرىنە قارسى سوعىسقان يەمەن ۇكىمەتتىك كۇشتەرى. فوتو: انادولى.

يەمەن جەرىندە ۇكىمەت ارمياسى مەن حۋسيت كۇشتەرى اراسىندا قارۋلى قاقتىعىس قايتالاندى. ارميا تارابىنان جاسالعان مالىمدەمەدە، ءال-مەلادجيم اۋدانىنداعى ءال-بەييات تاۋىنداعى قاقتىعىستا حۋسيتتەردىڭ 36 مۇشەسى قازا تاۋىپ، ەكى تاراپتان 50-دەن استام ادام جاراقات العان. بۇل تۋرالى «انادولى» اقپاراتتىق اگەنتتىگى حابارلاعان.

قارۋلى كۇشتەردىڭ مالىمەتىندە، ۇكىمەتى ارمياسى مەن حۋسيتتەردىڭ كەزەكتى سوعىسىندا ساۋد ارابيا باستاعان كواليتسيا قاتىسپاعان. ۇكىمەت ارمياسى دەربەس حۋسيتتەردىڭ ءال-مەلادجيمداعى تۇراقتارىن تالقانداعان.

ساۋد ارابياسى باسقارعان كواليتسيا كۇشتەرى مەن يەمەن قارۋلى كۇشتەرىنەن قۇرالعان ارنايى توپتار ميري، حايران قاتارلى اۋدانداردا ءۇش اي ىشىندە 5151 دانا مينانى تازالاعان. قازىر ۇكىمەت كۇشتەرى بەيداعا قاراي ىلگەرىلەي ءتۇسىپ، ايماقتا حۋسيتتەردىڭ ىقپال كولەمى بارعان سايىن تارىلۋدا.

“The Qazaq Times”