اقش ۇكىمەتىنىڭ لاۋازىمدى تۇلعالارى 20-23 شىلدە ارالىعىندا قازاقستان مەن وزبەكستانعا ساپارلاپ كەلىپ، ورتالىق ازيانىڭ بەس ەلى وكىلدەرىمەن ەكونوميكا جانە قاۋىپسىزدىك سالالارىنداعى ىنتىماقتاستىق ماسەلەلەرىن تالقىلادى.

اقش مەملەكەتتىك دەپارتامەنتى 23 شىلدەدە كەزدەسۋدىڭ س5+1 (قازاقستان، قىرعىزستان، تاجىكستان، تۇركىمەنستان، وزبەكستان جانە اقش) فورماتى اياسىندا وتكەنىن حابارلادى.

س5+1 فورماتى ايماقتىق باستى ديپلوماتيالىق پلاتفورما سانالادى. ونىڭ اياسىندا اقش پەن ورتالىق ازيانىڭ بەس ەلى ەكونوميكالىق ينتەگراتسيا، قورشاعان ورتانى قورعاۋ جانە قاۋىپسىزدىك سالاسىندا ءوزارا كومەك كورسەتۋ ماقساتىندا ىنتىماقتاسادى.

مەملەكەتتىك دەپارتامەنت مالىمدەمەسىندە مەملەكەتتىك حاتشىنىڭ ەكونوميكالىق جانە ىسكەرلىك ماسەلەلەر بويىنشا كومەكشىسى مانيشا سينگح 20 شىلدە كۇنى ەكونوميكالىق بايلانىستار بويىنشا جۇمىسشى توبىندا اقش دەلەگاتسياسىن الماتىعا باستاپ كەلگەنى ايتىلادى.

“The Qazaq Times”