20 جىلعا سوزىلعان «كاسپي داۋىنا» نۇكتە قويىلماق

تامىز ايىنىڭ 12-ءى كۇنى اقتاۋ قالاسىندا V كاسپي ءسامميتى وتەتىن بولدى.

سىرتقى ىستەر مينيسترلىگى ءباسپاسوز قىزمەتىنىڭ مالىمەتىنشە، V كاسپي سامميتىنە قازاقستان، ءازىربايجان، تۇركىمەنستان، رەسەي جانە يران باسشىلارى قاتىسادى. سامميت بارىسىندا تاراپتار كاسپي تەڭىزىنىڭ قۇقىقتىق مارتەبەسىنە قاتىستى ماسەلەلەردى تالقىلايدى جانە ارنايى كونۆەنتسيا قابىلدايدى دەپ كۇتىلۋدە.

بۇدان بولەك باس قوسۋدا مەملەكەت باسشىلارى بەس جاقتىق ۇكىمەت ارالىق قۇجاتتارعا، ساۋدا-ەكونوميكالىق، قاۋىپسىزدىك، ەكولوگيا جانە ترانسپورت سالالارى بويىنشا بىرلەسىپ جۇمىس ىستەۋگە قاتىستى قۇجاتتارعا قول قويادى دەپ جوسپارلانۋدا.

ايتا كەتەتىن ءبىر جايت، كاسپي تەڭىزىنىڭ قۇقىقتىق مارتەبەسىنە قاتىستى كەلىسىمگە جوعارىدا اتالعان بەس مەملەكەت 20 جىلدان استام ۋاقىت بويى بەلىگى ءبىر كەلىسىمگە كەلە الماي كەلگەن بولاتىن. وعان باستى سەبەپ كاسپي جاعالاۋىندا ورنالاسقان قازاقستان، ءازىربايجان، تۇركىمەنستان، رەسەي جانە يراننىڭ تەڭىزدى ءوز ارا بولىسە الماۋى. ساراپشىلار پىكىرىنشە، 2003 جىلعا دەيىن تاراپتار كاسپي تەڭىزىن تەك الىپ سۋ باسسەينى جانە پايدالى قازبا بايلىقتارىنىڭ التىن قورى رەتىندە كورسە، 2003 جىلدان كەيىن ايماق گەوساياسي، گەوەكونوميكالىق ماڭىزعا يە بولا باستاعان.

“The Qazaq Times”