ەلىنە ورالعان اۋعانستان ۆيتسە-پرەزيدەنتى اۋەجايدا شابۋىلعا ۇشىرادى

اۋعانستاننىڭ شەتەلدە جۇرگەن ۆيتسە-پرەزيدەنتى دوستۋم وتىرعان ۇشاق جەكسەنبى كۇنى كابۋل حالىقارالىق اۋەجايىنا قونىسىمەن جاقىن ماڭدا جانكەشتى جارىلىس جاسادى. اسا قۋاتتى جارىلىستان 16 ادام قازا تاۋىپ، 60-تان استام ادام جاراقات العان. بۇل تۋرالى اۋعانستاننىڭ مەملەكەتتىك ارنالارى حابار تاراتتى.

پوليتسيا تارابى جارىلىستى جانكەشتى جاساعانىن راستادى جانە ۆيتسە-پرەزيدەنتتىڭ جاراقات الماعانىن مالىمدەدى.

كوپ وتپەي «يسلام مەملەكەتى» تەررورلىق ۇيىمى حابارلاما تاراتىپ، جارىلىستى ءوز مويىندارىنا العاتىنىن مالىمدەدى. سونىمەن بىرگە «شابۋىلدىڭ دوستۋمدى قارسى العان ادامدارعا باعىتتالعان. جارىلىستان 115 قاۋىپسىزدىك قىزمەتكەرى مەن ۆيتسە-پرەزيدەنتتىڭ جاقتاستارى زارداپ شەكتى» دەپ مالىمدەگەن.

ابدۋل راشيد دوستۋم اۋعانستانداعى كۇردەلى ساياسي تۇلعالاردىڭ ءبىرى. ءوز كەزىندە وزبەكستاننىڭ اسكەري قىزمەتكەرى دە بولعان. 2017 جىلى اۋعانستانداعى كەيبىر شيەلەنىستى جاعدايلارعا بايلانىستى شەتەلگە باس ساۋعالاۋعالاعان. سول تۇستا اۋعانستان ۇكىمەتى ونىڭ شەتەلگە بارىپ ەمدەلۋىن تالاپ ەتىپ، قايتىپ كەلگەننەن كەيىن لاۋازىمىن قالپىنا كەلتىرۋگە ۋادە بەرگەن. الايدا وعان زورلىق-زومبىلىق، جىنىستىق زورلاۋ ارەكەتتەرى بويىنشا تەرگەۋ ءجۇرىلىپ، دوستۋم تۇندەلەتىپ اۋعانستاننان ۇشىپ كەتۋگە ءماجبۇر بولدى. وعان قوسا اۋعانستان ۆيتسە-پرەزيدەنتىنە تاليبتەر مەن دايش كۇشتەرىنە بايلانىستى سوعىس قىلمىسى دا تاعىلعان. تۇركيادا ءبىر جىلعا جۋىق باس ساۋعالاپ، اۋعانستانعا ورالعان. ەلىنە ورالعان وعان قايتالاي تەرگەۋ بولاتىن، بولمايتىنى انىق ەمەس.

“The Qazaq Times”