اقش قىتاي مەن رەسەيدى سانكتسيا تالابىن ورىنداماعانى ءۇشىن ايىپتادى

ديپلوماتيا وكىلدەرىنىڭ مالىمەتىنە قاراعاندا، رەسەي مەن قىتاي تارابى اقش-تىڭ سولتۇستىك كورەياعا تازارتىلعان مۇناي جەتكىزۋدى شەكتەۋ شاراسىنا كەدەرگى كەلتىرگەن. وتكەن اپتادا قۇراما شتات تارابى وسى جونىندە بۇۇ-نىڭ سانكتسيالار كوميسسياسىنا شاعىم بەردى. بۇل تۋرالى VOA News حابارلاعان بولاتىن.

اقش تارابىنىڭ مالىمدەمەسىندە، بۇۇ سانكتسياسىنىڭ نەگىزىندە، سولتۇستىك كورەيانىڭ يمپورتتالعان جانار جاعار ماي 500 مىڭ باررەلدەن اسپاۋعا ءتيىس. قۇراما شتات بۇۇ-عا مۇشە بارلىق ەلدەردەن وسى شەكتەۋ شاراسىن اتقارۋدى تالاپ ەتكەن. سولتۇستىك كورەياعا باعىتتالعان بۇل شارالار وتكەن جىلى جەلتوقسان ايىنان باستالعان ەدى.

الايدا، سولتۇستىك كورەياعا تاسىمالدانعان جانار جاعار ماي شەكتەۋ كولەمىنەن اسىپ كەتكەنى العا تارتىلعان. بۇعان قىتاي مەن رەسەيدىڭ اتالعان شارالاردى قاراپ-تەكسەرۋ ىستەرىن ۇزاققا سوزعانى باستى سەبەپ دەلىنگەن. وسى ۋاقىتتاردا سولتۇستىك كورەياعا جونەلتىلگەن جانارماي شەكتەۋ كولەمىنەن اسىپ كەتكەن. اقش سونىمەن بىرگە، سولتۇستىك كورەياعا جانارماي تاسىمالدايتىن كەمەلەردى شەكتەۋ شاراسىن ءبىر ەسە ارتتىرۋدى تالاپ ەتتى.

ايتا كەتەيىك، ماۋسىم ايىنداعى ترامپ-كيم سامميتىنەن كەيىن سولتۇستىك كورەيا باسشىسى يادرولىق قارۋدان باس تارتۋعا كەلىسىم بەرگەن بولاتىن. دەگەنمەن، اقش تارابى يادرولىق قارۋسىزدانۋ تولىق جۇزەگە اسقانعا دەيىن كحدر-عا باعىتتالعان سانكتسيانى جالعاستىراتىنىن انىق بايقاتىپ وتىر.

“The Qazaq Times”