تۇركيا، اقش جانە يران اراسىنداعى كۇردەلى ماسەلەلەر تالقىلانباق. فوتو: Sputnik International.

بۇگىن اقش قازىنا مينيسترلىگىنىڭ وكىلدەرى تۇركيانىڭ ورتالىق قالاسى انكاراعا جەتىپ، تۇرىك جۇرتىنداعى ءىس ساپارىن باستايدى. بۇل ساپار اقش، تۇركيا جانە يران اراسىنداعى بايلانىستار ءۇشىن اسا ماڭىزدى بولماق. «انادولى» اقپاراتتىق اگەنتتىگى حابارلادى.

دەلەگاتسيانىڭ باستى ماقساتى يرانعا باعىتتالعان سانكتسيانى جولعا قويۋ جانە وسى باعىتتاعى تۇركيامەن اراداعى كۇردەلى ماسەلەلەردى شەشۋ.

اقش قازىنا مينيسترلىگىنىڭ تەرروريزم جانە قارجى ىستەرى جونىندەگى كەڭەسشىسى مارشالل بيللينگسلەا باستاپ كەلگەن دەلەگاتسيا تۇركيانىڭ سىرتقى ىستەر، قارجى مينيسترلىكتەرىنىڭ وكىلدەرىمەن كەزدەسۋ وتكىزەدى.

“The Qazaq Times”