يتاليا 67 بوسقىننىڭ جاعالاۋعا شىعۋلارىنا رۇقسات ەتپەۋدە

يتاليالىق «انسا» اگەنتتىگىنىڭ حابارلاۋىنشا، ليۆيادا قۇتقارىلعان 67 بوسقىنى بار يتاليا جاعالاۋ قاۋىپسىزدىك كوميسسارلىعىنا تيەسىلى كەمە ەلدىڭ وڭتۇستىگىنە كەلگەنمەن، ولاردى ورنالاستىرۋ جاعىنان كەدەرگىگە ۇشىراۋدا. 

يتاليا ىشكى ىستەر ءمينيسترى ماتتەو سالۆيني، بوسقىنداردىڭ كەمەدەن ءتۇسىپ، جاعالاۋعا ورنالاسۋلارىنا رۇقسات ەتپەۋدە. «كەمە تۋرالى تۇگەلدەي زەرتتەلىپ بىتپەيىنشە، ەشكىمنىڭ كەمەدەن تۇسىنە رۇقسات جوق. ەگەر كىمدە-كىم مەنىڭ ءسوزىمدى تىڭداماي، وسىعان جول ەرەر بولسا، جۇمىسىم سونىمەن بولسىن» ، - دەگەن سالۆيني. ايتا كەتۋ كەرەك، يتاليا كەمەسى تاراپىنان قۇتقارىلعان بوسقىندار «ارالارىنداعى بىرەۋ كەمە ەكيپاجىنا قاستاندىق جاسادى» - دەگەن كۇدىكپەن يتاليا جاعالاۋ قاۋىپسىزدىك كوميسسارياتىنا تيەسىلى كەمەگە اۋىستىرىلعن ەدى. ەسكە سالايىق، ەۋرووداقتىڭ بوسقىندار ماسەلەسىنە قاتىستى ەو-عا مۇشە ەلدەرمەن ءوزارا كەلىسىم جاساسقانمەن، يتاليا ءالى كۇنگە دەيىن بوسقىندارعا قاتىستى ىستە ەو-مەن ناقتى مامىلەگە كەلە الماۋدا.

“The Qazaq Times”