"وتقاراق" جانە اۆتور. فوتو: QT.

كەشە الماتى قالاسىندا، اقىن  اينۇر تولەۋدىڭ  «وتقاراق» اتتى كىتابىنىڭ پرەزەنتاتسياسى ءوتتى. ءۇش بولىمنەن تۇراتىن كىتاپتىڭ  تۇساۋكەسەرى  "الماتىنىڭ  التىن ءتاجىسى" اتالىپ كەتكەن  "قازاقستان" قوناق ءۇيىنىڭ  «التىن ەمەل» زالىندا كەسىلدى.

شارانى اقىن،  پۋبليتسيست جاناربەك  ءاشىمجان  جۇرگىزىپ، مەملەكەت جانە قوعام قايراتكەرى، ورتالىق ازياداعى  حالىقارالىق  ەسىرتكىمەن  كۇرەس ورتالىعى ديرەكتورىنىڭ ورىنباسارى، گەنەرال-مايور ءادىل  شاياحمەتوۆ پەن «ەڭبەك  ارداگەرى»  اينۇر تولەۋدىڭ  ۇستازى ورىنشا قارابالينا كىتاپتىڭ تۇساۋىن كەستى.  پرەزەنتاتسيا كەزىندە  بەلگىلى  سازگەر  ايگۇل باجانوۆا  اۆتوردىڭ سوزىنە جازىلعان  «ءبىر تامشى» دەپ اتالاتىن  انىنىڭ دە  تۇساۋىن كەستى.  سونىمەن بىرگە، جىگەر ساتحانوۆتىڭ "سۇيەمىن سەنى، استانا" اتتى ءانى دە تىڭدارمان نازارىنا ۇسىنىلدى. 

"وتقاراقتىڭ" اۆتورى، اقىن اينۇر تولەۋ بۇدان وزگە، ءانشى راۋزا  اماننىڭ ءان قورجىنىنداعى  ەربول ءسپاناليۆتىڭ «اناما»،  قانات ءادىلحاننىڭ ورىنداۋىمەن تىڭدارمانعا جەتكەن «ۇناتقانىم سەن» قاتارلى اندەردىڭ ءسوزىن جازعان. تۇساۋكەسەردە اتالعان ونەرپازدار دا انمەن شاشۋ شاشتى. 

شارا  سوڭىندا اۆتور وقىرماندارىمەن ەستەلىك سۋرەتكە ءتۇسىپ، قولتاڭبا  ۇسىندى.

“The Qazaq Times”