اقش پرەزيدەنتى دونالد ترامپ پەن رەسەي باسشىسى ۆلاديمير پۋتين كەلىسىمگە كەلۋى مۇمكىن – دەپ حابارلايدى «Politico» باسىلىمى اق ۇيدەگى اقپارات كوزىنە سىلتەمە جاساپ.

«Politico» باسىلىمىنىڭ اق ۇيدەگى اقپارات كوزىنىڭ مالىمەتىنشە، ترامپ پەن پۋتين حەلسينك قالاسىنداعى باس قوسۋدا بەلگىلى ءبىر جايتتار بويىنشا كەلىسىمگە كەلۋى مۇمكىن. ولاردىڭ ىشىندە ءسۇريا مەن اۋعانستانداعى سوعىس، ۋكراينا ماسەلەلەرى سياقتى وزەكتى ماسەلەلەر بار.بىراق ازىرگە ترامپ پەن ءپۋتيننىڭ اتالمىش ماسەلەلەردى شەشۋدە ناقتى قانداي كەلىسىمگە كەلەتىندىگى بەلگىسىز.

شەتەلدىك ساراپشىلاردىڭ پىكىرىنشە، ترامپ پەن ءپۋتيننىڭ كەلىسسوزدەر وتكىزۋگە قاتىستى جاساعان قادامدارىنىڭ ءوزى ۇلكەن جەتىستىك. سەبەبى سوڭعى جىلدارى اقش پەن رەسەي قارىم-قاتىناسى بۇرىن سوڭدى بولماعان ەڭ تومەنگى دارەجەگە جەتكەن.

“The Qazaq Times”