ۇلىبريتانيا: اعىلشىن بالالارىنىڭ قىزىلشامەن اۋرۋىنا يتاليا ءىىم كىنالى

ۇلىبريتانيادا بيىل قىزىلشا اۋرۋىمەن اۋىرعان بالالاردىڭ سانى ادەتتەگىدەن ەكى ەسەگە ارتقان. ال اعىلشىن ساياساتكەرلەرى مەن جۋرناليستەرىنىڭ پىكىرىنشە، بۇعان «سولتۇستىك ليگا» پارتياسىنىڭ جەتەكشىسى، يتاليانىڭ ىشكى ىستەر ءمينيسترى ءارى پرەمەر-ءمينيستردىڭ ورىنباسارى ماتتەو سالۆيني مەن وعان جاقتاس مارين لە پەن كىنالى دەپ ەسەپتەيدى. بۇل تۋرالى 24heures.ch حابارلايدى.

اعىلشىن دەنساۋلىق ساقتاۋ دەپارتامەنتى  يتالياعا بۇلايشا كىنا ارتۋلارىنا نە سەبەپ بولعانىن دا جاسىرمادى. ماسەلەن، قىزىلشا اۋرۋىنا قاتىستى ءاربىر ءتورتىنشى جاعداي يتاليادا تىركەلەدى. ال وسى اۋرۋمەن اۋىراتىن بالالاردىڭ جارتىسى يتالياعا بارىپ كەلگەننەن كەيىن اۋىرادى. «Times» جۋرناليستەرى بايانداعان ەكىنشى دالەل رەتىندە مىنا جاعداي ايتىلعان. قىزىلشا اۋرۋىنىڭ ورشۋىنە يتاليانىڭ ىشكى ىستەر ءمينيسترى ءارى پرەمەر-ءمينيسترىنىڭ ورىنباسارى ماتتەو سالۆيني مەن فرانتسيالىق وپپوزيتسيانىڭ جەتەكشىسى مارين لە پەن كىنالى. سەبەبى، ول ەكەۋى دە اتالعان اۋرۋعا قارسى ەكپەنىڭ ەگىلۋىنە قارسى شىققان. ەسكە سالايىق، وسىدان ءبىراز بۇرىن سالۆيني مەكتەپ وقۋشىلارىنا مولشەردەن تىس ەكپە ەگىلەدى دەگەن بولاتىن. ەندى، ونىڭ وسى ءسوزى ۇلىبريتانيالىق ارىپتەستەرىنىڭ ونى قىزىلشا اۋرۋىنىڭ تارالۋىنا كىنالاۋى ءۇشىن جەتكىلىكتى بولۋدا. ەندى، كەيبىر ساراپشىلار بۇل مالىمدەمە ساياسي كيكىلجىڭگە ۇلاسۋى مۇمكىن، - دەپ الاڭدايدى.

“The Qazaq Times”