فوتو: دونالد تۋسك

28 ماۋسىمداعى تۇنگى كەلىسسوزدەردەن كەيىن ەۋرووداق ەلدەرى بوسقىندار ماسەلەسىنە قاتىستى ورتاق ساياسات تۋرالى كەلىسىمگە كەلدى. بۇل تۋرالى ەۋروپا كەڭەسىنىڭ باسشىسى دونالد تۋسك حابارلاعان.

«ەو ەلدەرى بوسقىندارعا قاتىستى كەلىسىمشارت تۋرالى رەسمي مالىمدەمە بەكىتتى» ، - دەگەن تۋسك. بۇعان دەيىن بوسقىنداردى ءار ەلگە ءبولىپ تاراتۋ شەشىمىنە نارازى يتاليا باسشىلىعى ەۋروپا وداعى ەلدەرىنىڭ پرەزيدەنتتەرى وتكىزگەن سامميت قورىتىندىسىمەن كەلىسپەيتىنىن جاريالاعان بولاتىن.

«Dpa» اگەنتتىگىنىڭ مالىمەتىنشە، تەڭىز ارقىلى ءوتىپ كەلگەن بوسقىنداردى قۇتقارۋعا ارنالعان لاگەرلەر ەۋرووداققا مۇشە ەلدەردە قۇرىلماق. وسى لاگەرلەردەن بوسقىندار ەو-تىڭ ولاردى ءوز ەرىكتەرىمەن قابىلداۋعا دايىن ەلدەرگە بولىنەدى. ودان بولەك، ەۋرووداق سولتۇستىكافريكالىق ەلدەردىڭ بىرىندە دە بوسقىندارا ارناپ لاگەر قۇرۋعا نيەتتى. بۇل — جەرورتا تەڭىزى ارقىلى كەلەتىن بوسقىنداردىڭ سانىن ازايتۋ ءۇشىن كەرەك. ازىرگە، سولتۇستىك افريكانىڭ قانداي ەلدەرى ولادى قابىلداۋعا كەلىسىم بەرەتىنى بەلگىسىز.  كوپتەن بەرى ەۋرووداق ەلدەرى اراسىندا ءتۇيىنى كوپ ماسەلەگە اينالعان ءارى وداققا مۇشە-ەلدەرىڭ ءوزارا تۇسىنىسپەۋشىلىكتەرىنە سەبەپ بولعان بوسقىندار ماسەلەسى بۇدان كەيىن ناقتى شەشىمدەرمەن رەتتەلەدى دەگەن ءۇمىت بار.

“The Qazaq Times”