مەرزىمى بىتكەن تولقۇجاتپەن شەت مەملەكەتتەردە جۇرگەن تۇركىمەنستاندىق ازاماتتار وتاندارىنا ورالعاننان كەيىن قاماۋعا الىندى، - دەپ حابارلايدى trend.az اقپارات كوزى.
اسىرەسە، بيلىكتىڭ ۋادەسىنەن كەيىن تۇركيادان ورالعان 20 ادام تۇتقىنعا الىنعان. سوڭعى ايلاردا تۇركىمەنستاننىڭ ءتۇرلى ايماقتارىندا شەتەلدە جۇرگەندەردىڭ جاقىندارىنا دا تۋىستارىن ەلگە ورالتۋعا تاپسىرما بەرىلگەن ەدى. 2008 جىلى تۇركىمەنستان شەتەلدىك ساپارلار ءۇشىن ارنايى تولقۇجات ەنگىزىپ، ونى تەك ەلدەگى كوشى-قون مەكەمەسىنەن بەرۋگە ۇكىم شىعارىلعان بولاتىن. وسىعان وراي، شەت مەملەكەتتەردەگى ەلشىلىكتەردىڭ بىرىڭعاي ۇلگىدەگى ەسكى قۇجاتتاردى جاڭاسىنا اۋىستىرۋ وكىلەتتىلىگى جوق. 12 ماۋسىمدا تۇركىمەنستاننىڭ داشوگۋز قالاسىنىڭ ءبىر تۇرعىنى بىرنەشە مارتە تۇركياعا ۇشىپ كەتۋگە تىرىسىپ، جولى بولماعاندىقتان ءوز-وزىنە قول جۇمساعان ەدى. قازىرگى ۋاقىتتا تۇركىمەنستان بيلىگى ەل شەتىندە جۇرگەن ازاماتتارىنا قاتىستى رەسمي مالىمەت بەرمەي وتىر. تۇركيانىڭ كوشى-قون قىزمەتىنىڭ حابارلاۋىنشا، تەك 2016-2017 جىلداردىڭ وزىندە سول ەلدە 25 مىڭ تۇركىمەنستاندىق تىركەلگەن. رەسمي مالىمەتتەر بويىنشا، تۇركىمەنستان ازاماتتارى كۇنكورىس ءۇشىن كورشى مەملەكەتتەرگە، اسىرەسە قازاقستان، ءازىربايجان ەلدەرىنە كوپ شىعادى. وسى جاعداي قازىرگى ۋاقىتتا ەلدى ۇلكەن الەۋمەتتىك تولقىنىستىڭ شەگىنە جەتكىزىپ وتىر.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن