ەكى كۇننەن كەيىن ەلىمىزدە ۇلتتىق بىرىڭعاي تەستىلەۋ باستالادى. رەسپۋبليكالىق سىناققا 1,5 ملن تۇلەك قاتىسپاق. ۇلتتىق تەستىلەۋ ورتالىعىنىڭ ديرەكتورى رامازان الىمقۇلوۆتىڭ ايتۋىنشا، بيىلعى تەست سۇراقتارى 50 پايىزعا جاڭارعان.

ورتالىق باسشىسىنىڭ دەرەگىنشە، وتكەن جىلى 198 اپەللياتسيالىق شاعىم تۇسسە، ونىڭ 50 پايىزى تەحنيكالىق ماسەلەلەرگە قاتىستى بولعان. مازمۇنىنا بايلانىستى 98 ماسەلە كوتەرىلىپ، قاناعاتتاندىرىلعان.

«وتكەن جىلى ۇبت-نىڭ تەست تاپسىرمالارى 40 مىڭ بولسا، سونىڭ 98 سۇراعى، ياعني 0,02 پايىزى عانا داۋ تۋدىردى. الەمدىك تاجىريبەدە 1 پايىزعا دەيىن جىبەرىلەدى. ءبىز بۇل دۇرىس كورسەتكىش دەپ سانايمىز. اعىمداعى جىلى تەست سۇراقتارىنىڭ بازاسى 50 پايىزعا جاڭاردى جانە بيىلعى ۇبت-دا 80 مىڭ سۇراق بولادى» - دەدى، الىمقۇلوۆ.

“The Qazaq Times”